انتهاء تصوير حكاية جريمة في الزمالك بطولة صبا مبارك من مسلسل القصة الكاملة إنتاج مجدي الهواري
أعلن المخرج مجدي الهواري، منتج مسلسل القصة الكاملة، انتهاء تصوير حكاية جريمة في الزمالك، إحدى حكايات مسلسل القصة الكاملة، المقرر عرضه عبر منصة شاهد.
وكتب مجدي الهواري عبر حسابه على موقع التواصل الاجتماعي فيس بوك: ما شاء الله فركش القصة الرابعة.. الحمد لله والشكر لله، وأشكر الجميع على التعب والمجهود، الصراحة محدش ماتعبش ولم يقصر أحد، كل الأقسام كانت مؤمنة بالمشروع.. أولهم الصديقة المجتهدة والموهوبة صبا مبارك، وأشكر أحمد بهاء الممثل المحترم واللي حبيته جدًا.. أحمد بهاء (بوب)، ومحمد علي رزق اللي أعجبت بدوره جدًا في مسلسل فات المعاد وعيني عليه.. لحد ما جت الفرصة.. وحازم إيهاب كان عاجبني في الكوميدي وفي الجاد، وكل الممثلين الحقيقة، مش عايز أنسى حد.. طبعًا الأساس الأستاذ سامح سند.
وأضاف مجدي الهواري: أما عن المخرج فهو ابني، وطبعًا شهادتي فيه مجروحة.. محمود عبد التواب طول عمره جدع، المخلص والشاطر (توبة)، والمؤلف عمرو سمير عاطف، أما عن التصوير - الديكور - تصميم الملابس - الإنتاج - المونتاج - المكياج - الموسيقى - هندسة الصوت - المكساج - الفوتوغرافيا - الجرافيك - التصميم - إدارة الشركة - التسويق - الإدارة المالية - المتابعة - فكروني لو نسيت حد، ماريو وحمزة الهواري، فكلهم مش أول قصة وأكتب فيهم بوست قبل كده عظيم.
واختتم مجدي الهواري: كده كده اللي شغال على المشروع ده فأكيد هو جامد ومحترف ومصدق وحابب علشان يطلع الفورمات زي ما هو وزي ما المفروض يتعمل، وأوعدكم هتشوفوا كل الناس دي مختلفة في المشروع ده، وإلى اللقاء في القصة المقبلة.
