استغل غياب الزوج وطلب تسخين الطعام.. ننشر أقوال ضحية محاولة هتك العرض على يد جارها داخل شقتها بالوراق
كشفت التحقيقات تفاصيل أقوال السيدة المجني عليها في واقعة محاولة هتك عرضها من قبل جارها وذلك بعدما أقدم المتهم على التهجم على منزلها مستغلا عدم وجود زوجها بعد طلبه مساعدتها في تسخين الطعام له، وذلك بمنطقة الوراق التابعة لمحافظة الجيزة.
ننشر أقوال ضحية محاولة هتك العرض على يد جارها داخل شقتها بالوراق
وأضافت التحقيقات أنه باستدعاء المجني عليها أمام جهات التحقيقات المختصة، وبسؤالها حول ما هي تفصيلات أقوالها بشأن الواقعة؟ أجابت: من حوالي 10 أيام كان المتهم طلب مني نمرة تليفوني اكثر من مرة وانا مرضتش وكان بيسألني أسئله زي جوزك بيجي من الشغل امتى وبيروح الشغل امتى وأنا رديت عليه وعرفته، وفي يوم 25/6/2026 الموافق يوم الخميس أنا كنت راجعة من السوق على العصرية وبعد كده دخلت احط حاجتي في الثلاجة اللي في الصالة جمب الباب جه هو ووقف على الباب وأنا قولت له عاوز حاجة قالي عاوز أسخن الأكل ده عشان الأنبوبة عندي خلصت أخدت منه الأكل وولعت عليه في المطبخ.
وأكملت: بعدها هو دخل من باب الشقة ودخل ورايا في المطبخ وأنا في الأول مخدتش بالي لما دخل عشان كنت بكلم في التليفون وقفلت الموبايل وحطيته على طرابيزة جمب البوتاجاز وبعد كده وقف في ضهري على طول ومكنش فيه مسافة ما بينا خالص ومسك دراعي اليمن والشمال وضمهم على بعض وبعدین شد دراعته الاتنين على دراعتي الاتنين وأنا بعد كده قاومت وخبطه بالكوع بالدراعي اليمين في بطنه وبعد كده راح زقني ووقعت على الأرض في المطبخ.
وأردفت: بعد كده رمى نفسه عليا وحاول يتعدى عليا روحت أنا مسكت كبشة المطبخ وكانت وقعة على الأرض وضربته بيها على دماغه وبعد كده جريت على الشباك عشان حد يلحقني وروحت صرخت بصوت عالي راح ضربني بالقلم وقعني على الأرض وبعد كده جري من الشقة وأنا صرخت تاني بصوت عالي وهو هرب ويوم الجمعة رجع وشوفته في الشارع قبل المغرب بشوية روحت صرخت والناس اتلمت عليه ومسكوه وضربوه وروحت طلعنا على القسم وعملنا المحضر.
يذكر أن جهات التحقيق المختصة قررت تجديد حبس المتهم 45 يوما على ذمة التحقيقات، لاتهامه بالتعدي على منزل جارته مستغلا عدم وجود زوجها والشروع في هتك عرضها بعد طلبه مساعدتها في تسخين الطعام له، وذلك بمنطقة الوراق التابعة لمحافظة الجيزة.
