خدت دواء خطأ.. سيدة تزعم تعرض صغيرتها لإهمال طبي على يد صيدلي
زعمت سيدة تعرض صغيرتها للإهمال الطبي على يد صيدلي، بعد تناولها دواءً لعلاج مرض الصرع عن طريق الخطأ، حيث أرسلت السيدة، التي تعاني صغيرتها من نزلة برد، الروشتة إلى الصيدلية، وقاموا بإرسال دواء خاطئ لعلاج مرضى الصرع، ما تسبب في إصابة الصغيرة بمضاعفات صحية شديدة.
سيدة تزعم تعرض صغيرتها لإهمال طبي على يد صيدلي
وشاركت السيدة منشورًا جاء فيه: "الكابوس بدأ بدور برد عادي جدًا… زي أي طفل. كشفت على بنتي مكة عند دكتورها اللي متابعها من أول يوم اتولدت فيه، ولحد دلوقتي، بقاله 7 سنين ونص. كتب الروشتة، وخرجنا من العيادة وإحنا بنضحك ونهزر".
وتابعت: "رجعنا البيت، واتصلنا بصيدلية حمزة في زهراء المعادي، وهي صيدلية معروفة جدًا، وبنتعامل معاها من زمان. بعتنا الروشتة على WhatsApp، والدوا وصل حوالي الساعة 11:30 بالليل، بدأت أدي مكة أول جرعة.
وأضافت: "راجعت الاسم بسرعة، لقيت أول الحروف نفس اللي في الروشتة، وماكملتش قراءة الاسم كله… لأن ببساطة كنت واثقة إن الصيدلية مستحيل تغلط، وده كان أكبر غلط عملته، والجرعة كانت 6 مل، 3 مرات في اليوم، فاديتها أول جرعة وأنا مطمنة، وتاني يوم الصبح نزلنا، ومن هنا بدأ أسوأ كابوس ممكن أي أم تعيشه".
وأشارت: "أول ما دخلنا عند حمام السباحة، لقيت مكة بتتكفي على Access Card بتاعة النادي، ومش قادرة تقف على رجليها، وفجأة.. بوقها كله اتملّى دم، وجرحين كبار من الناحيتين، والدم غرق وشها وجسمها.
وقالت: "دكتور النادي جري علينا، وبص عليها وقال: «هي كويسة»، صرخت فيه: «لا… بنتي مش كويسة، بالظبط… زي حد اتشل»، جسمها كله كان مايل ناحية الشمال، ولفيت ببنتي على مستشفيات كتير جدًا".
