بعد إعلان تحضيراته منذ عام.. المنتج هشام عبد الخالق يوضح مصير فيلم تيتو 2
أوضح المنتج هشام عبد الخالق مصير فيلم تيتو 2، الذي أعلن المخرج طارق العريان تحضيراته منذ ما يقرب من عام، وذلك بعد نجاح الجزء الأول قبل 22 عاما.
ماذا قال المنتج هشام عبد الخالق عن فيلم تيتو 2؟
وقال هشام خلال لقائه مع القاهرة 24: فكرنا في رغبة الناس اللي عايزة تشوف تيتو 2، وقعدت مع طارق العريان، إزاي نعمله بشكل منطقي زي ما عملنا فيلم الجزيرة 1 والجزيرة 2، وإن كان هيبقى فيه جزء تالت فكان منطقي نشوف أحمد مالك فيه يلعب دور الطفل اللي كبر وبقى في مرحلة الشباب.
وأضاف هشام: وكذلك الحال في فيلم تيتو 2، قولنا إن الولد الصغير اللي تبناه أحمد السقا في الفيلم هو اللي هيكمل الجزء التاني، ومازالت الرغبة موجودة ومفيش أي اختلافات مع أي حد، لكن لسه بنظبط القصة، خصوصًا إن الحبكة الدرامية في الجزء الأول هو إن فيه ظابط شرطة بيستغل تيتو، ودلوقتي الرقابة مبتوافقش على الحاجات اللي زي كده.
واختتم حديثه، قائلا: إن شاء الله ربنا يوفقنا ونعمله، لأن الناس متشوقه تشوفه وجيل كامل، خصوصًا إن الجزء الأول من 22 سنة.
الجدير بالذكر أن المخرج طارق العريان أعلن في مايو 2025 تحضيره للجزء الثاني من فيلم تيتو خلال تصريحات تلفزيونية، قائلًا: أفكر في تقديم الجزء الثاني وهنكمل فكرة الفيلم لما أحمد السقا اتبنى طفل صغير.
أبطال فيلم تيتو
كما قدم العريان فيلم تيتو في 2004، وشارك به العديد من الفنانين، منهم: أحمد السقا، خالد صالح، حنان ترك، ضياء عبد الخالق، عصام محمد، ضياء عبد الخالق، عصام محمد، أشرف مصيلحي، محسن منصور، هدى الصيفي، عفاف مصطفى، معتز التوني، مصطفى الطوخي، والفيلم من تأليف طارق العريان ومحمد حفظي.
