طبيب شيرين عبد الوهاب متخصص السمنة والنحافة: كانت بتفكر تسافر عشان تخس.. ومحبتش الجراحة
تحدث الدكتور محمود عفيفي أخصائي السمنة والنحافة عن رحلة الفنانة شيرين عبد الوهاب في إنقاص الوزن، موضحًا أنها كانت تفكر في السفر إلى خارج البلاد، من أجل ذلك كما أنها رفضت إجراء جراحة للتخسيس.
وقال طبيب شيرين عبد الوهاب في تصريحات تليفزيونية: هي كانت بتفكر تسافر بره علشان تعمل دايت وتخس وكانت حابة تبقى طبيعية مش جراحة، وقابلتها وكان عندها إصرار قوي جدًا أنها تخس، وأنا قابلتها 4 مرات وكل مرة كانت في فرق كبير وده اللي خلاها اتشجعت وكملت.
وأضاف طبيب شيرين عبد الوهاب: حددنا 100 يوم عشان تخس وبتاكل طبيعي وخفيف، وهي بتعمل رياضة المشي، وهي حابة ترجع للشكل بتاعها المتناسق، هي فنانة ميجا ستار وحابة ترجع للشكل الميجا ستار اللي كانت عليه، والنتيجة مرضية جدًا، وعندها إرادة تغير من شكلها ومن نفسها.
حفل شيرين عبد الوهاب
وأحيت الفنانة شيرين عبد الوهاب حفلًا في بورتو جولف بالساحل الشمالي، رفع شعار كامل العدد، برعاية القاهرة 24، ومن تنظيم ياسر الحريري.
وحرص العديد من الفنانين ونجوم المجتمع على حضور الحفل، منهم غادة عبد الرازق، محمود الليثي، إلهام شاهين، هالة صدقي، الإعلامية بسمة وهبة، مهندس الصوت هاني محروس، الإعلامية لميس الحديدي.
