"نفسيته ادمرت من اللي شافه".. والدة عامل بمحل مول أرابيلا بلازا بعد انفجار أسطوانة هيليوم تكشف تفاصيل الحادث |خاص
شهد مول أرابيلا بلازا بالقاهرة الجديدة، اليوم الخميس، انفجار أسطوانة هيليوم داخل محل Best For You بالبدروم، ما أسفر عن مصرع 3 أشخاص وإصابة آخرين.
والدة عامل بمحل مول أرابيلا بلازا بعد انفجار أسطوانة هيليوم تكشف تفاصيل الحادث
وقالت والدة أحد عاملي المول في تصريحات خاصة لـ القاهرة 24: أنا في السعودية وبشتغل هناك لما عرفت بالحادثة قلقت على ابني وكلمته، وفضلت أتصل بـ ابني واخواته عشان أطمّن عليه وقالولي إنه كويس.
وأردفت: ابني شغال في المحل اللي انفجر ووقت الانفجار كان بيشتري حاجة من بره المول، واتاخر شوية لحد ما جاله اتصال بيقوله إن المول بيتحرق، وابني وقتها من الصدمة معرفش يعمل إيه راح المول وكان هيدخل عند الحريق بس شاف زملاءه المتوفين والناس بتشيلهم خارجين بيهم.
وأضافت: ابني بخير بس مدمر نفسيًا ومش عارف حاجة عن زملائه ولا حصلهم إيه؟ والمحل اللي شغال فيه وقع كله على الأرض ومش عارفين مصير صحابه إيه لحد دلوقتي؟ وفضلت أعيط من الفرحة إن ابني ربنا أنقذه وكتب له عمر جديد.
