مدحت العدل: الكومبارسات غلابة.. وأنا أول واحد هدفع لهم حق الأداء العلني
تحدث الدكتور مدحت العدل، عن حق الأداء العلني، موضحًا أنه أول من سيدفع لـ الكومباراسات بسبب حاجتهم للمال، مؤكدًا أن المنتجين يدفعون مبالغ طائلة في الأعمال الفنية بسبب متطلبات وأجور الفنانين.
وقال مدحت العدل، في لقائه بـ برنامج بتوقيت مصر: لو قالوا عايزين حق أداء علني لـ الكومبارس أنا أول واحد هدفع، لأن هما غلابة محتاجين فلوس، وحق الأداء العلني مش للنجم فقط ده لكل اللي قال مساء الخير وهو معدي.
وأضاف مدحت العدل: أنا موافق أدفع أداء علني، بس أنت يا نجم لو بتاخد 10 قروش، تقدر تاخد 8 والـ 2 التانيين تاخدهم من حق الأداء العلني، ولا أنت عايز تاخد أجرك وتجيب 10 معاك يخدموا عليك، وكرافان يكلف 130 ألف جنيه في اليوم، المنتج بيطلع خسران.
تصريحات مدحت العدل
وفي وقت سابق، تحدث السيناريست مدحت العدل، عن خططه المستقبلية في العروض المسرحية، بعد النجاح الذي حققته مسرحية "أم كلثوم.. دايبين في صوت الست"، خلال الفترة الماضية.
وقال مدحت العدل، في لقائه مع القاهرة 24: عندنا رموز يجب أن نحتفي بها، أم كلثوم دي الهرم، لكن هنا أنماط أخرى زي عبد الحليم حافظ، ومحمد عبد الوهاب، ووردة وبليغ حمدي.
