اتسجلت في لندن.. حازم إكس وإسلام ساسو يكشفان كواليس أغنية "حبيبي أنا من غيرك" لـ محمد رمضان
كشف الشاعر حازم إكس والموزع إسلام ساسو كواليس أغنية حبيبي أنا من غيرك للفنان محمد رمضان، وتفاصيل مشاركتهما في حفله اليوم المقام في بورتو جولف مارينا بالساحل الشمالي، وبرعاية القاهرة 24.
حازم إكس وإسلام ساسو يكشفان كواليس أغنية "حبيبي أنا من غيرك" لـ محمد رمضان
وقال إسلام ساسو خلال لقائه مع القاهرة 24: الحمد لله إني وصلت للنجاح ده مع النجم محمد رمضان، وطول عمري أنا وحازم إكس عايزين لما نعمله أغنية تبقى أغنية hit يكسر الدنيا وده الحمد لله اتحقق في أغنية حبيبي أنا من غيرك، وحققت صدى كبير في أول أسبوع مع الجمهور، وإن شاء الله هنكون معاه على المسرح النهارده، وهلعب على الدي جي.
وأردف: إحنا أول ما عملنا التراك وحازم بعته على طول لمحمد رمضان، فعجبته الأغنية وسجل التراك في لندن، وبعدين لما رجع سجلنا هنا تاني، وعملنا تعديلات وتفاصيل عشان يطلع التراك بصورة حلوة، ونخاطب الجمهور كله من خلالها الكبار أو الصغيرين، ومبسوط إني حققت ده مع الأسطورة.
أما حازم إكس قال عن الأغنية: الشعب المصري كله كان بيشتغل معايا فيها بصراحة، بس مخدناش كلام حد وكتبت الأغنية لوحدي، إحنا عاملين قنابل تانية وفيه دويتوهات مع ناس من برا ودويتو مع مطرب جامد من البرازيل ممكن تنزل الأسبوع الجاي
واشار حازم إكس إلى أن محمد رمضان سيبدأ الحفل بأغنية نمبر وان، بينما يحرص على ختامها بأغنية حبيبي أنا من غيرك.
