أجري مش عالي.. نرمين الفقي: للأسف مش بشتغل كتير وبقعد بالسنتين في البيت
تحدثت الفنانة نرمين الفقي، عن سبب تريثها في اختيار أعمالها الفنية، موضحة أنها وصلت لمكانة لا تريد التنازل عنها، بجانب الحديث عن أجرها، مؤكدة أن نصيحة والدتها السبب الرئيسي وراء انخفاض أجرها.
وقالت نرمين الفقي، خلال لقائها مع إسعاد يونس، في برنامج صاحبة السعادة: يمكن اللي بيتعرض مش دايمًا بيبقى كويس، ولازم الفنان مننا يتمسك بالمكانة اللي وصلها، وأنا وصلت لمكانة مش عايزة أتنازل عنها زي أني أعمل بطولات جماعية، وساعات بيتعرض عليا أدوار غريبة جدًا، مثلًا جالي دور أم لحد كبير، فالمنتج أعتقد أني مش عايزة أطلع أم، ولكني ممكن أطلع جدة ولكن إديني الدور اللي أمثله بجد، ولكن دوري في هذا العمل مالوش معنى.
نرمين الفقي: أجري مش عالي
وأضافت: أنا للأسف مش بشتغل كتير وبقعد في البيت بالسنتين وبنقي الدور كويس، فيه ناس بتقول اشتغلي علشان تباني ولكن أنا مش كده، إحنا بننحت في الصخر وشغلتنا قاسية وساعات لا يكون فيه إنصاف، وأجري مش عالي إطلاقًا.
وأكملت: كانت غلطة أني سمعت كلام أمي، كانت دايمًا بتقولي اعملي دور كويس ومتستعجليش في الأجر، والأجر هيجيلك هيجيلك، وبدخل الموضوع بقلب جدًا وأصبح أني معنديش أجر.
