ابنة الفنان عمرو محمد علي تنعاه: مكنتش أبدًا بتشتكي ولا بتبين إنك بتتألم
نعت شهد ابنة الفنان الراحل عمرو محمد علي، والدها بكلمات مؤثرة، مستعيدة عددًا من ذكرياتهما ومواقفه الخاصة، وذلك عبر حسابها الشخصي على موقع التواصل الاجتماعي فيسبوك.
ابنة الفنان عمرو محمد علي تنعاه
وكتبت شهد عبر حسابه الرسمي: للأسف، عمري ما كنت من الأشخاص اللي بيعرفوا يشرحوا مشاعرهم ولا يعبروا عن اللي جواهم جوايا كلام كتير، ومشاعر كتير، ولكن كمان أحب دايمًا الخصوصية، ودايمًا أحتفظ بخصوصيتي في المواضيع الحساسة، حتى مع أقرب الناس ليا.
وتابعت: كل اللي أقدر أقوله إنك هتوحشنا يا شقشق، وهيوحشني خفة دمك دايمًا كنت مختلف في خفة دمك وطريقة كلامك، ودايمًا كنت بتظهر إنك قوي ومش متألم، ومكنتش أبدًا تشتكي.
وأردفت: دايمًا كنت تضحك حتى وأنت متألم، وأنا طلعالك في دي يا شقشق هيوحشني أول ما تشوفني تقولي شاهي حبيبة بابي، وتمسك إيدي وتبوسها هيوحشني تفاصيل صغيرة كتير مش عارفة أعبر عنها.
واختتمت حديثها: مش قادرة حتى أتفرج على الصور دي دلوقتي، أنا وقتها قلت مش هفتح أي مواضيع قديمة تاني، وحبيت إني أحتفظ بالصور لنفسي هتوحشني أوي والله.
