كانت فلوس عملية قلب مفتوح.. شاب من أجهور الكبرى بطوخ يروي تفاصيل إعادة 151 ألف جنيه لأصحابها
روى إسلام أحد أبناء قرية أجهور الكبرى التابعة لمركز طوخ بمحافظة القليوبية، تفاصيل موقف إنساني ضرب خلاله مثالًا في الأمانة، بعدما عثر على مبلغ مالي قدره نحو 151 ألف جنيه، عبارة عن 3 آلاف دولار وألف جنيه مصري، خلال عودته من عمله بأحد المخابز، ليعيده كاملًا إلى صاحبه، قبل أن يكتشف أن الأموال كانت مخصصة لإجراء عملية قلب مفتوح لطفلة.
شاب من أجهور الكبرى بطوخ يروي تفاصيل إعادة 151 ألف جنيه لأصحابها
وقال إسلام: كنت راجع من شغلي في المخبز، ولقيت المبلغ عبارة عن 3 آلاف دولار وألف جنيه، وأول حاجة فكرت فيها إني أوصل الفلوس لصاحبها.
وأضاف: عملت منشور على مواقع التواصل الاجتماعي وكتبت إني لقيت مبلغ مالي، وفضلت مستني لحد ما صاحب الفلوس يتواصل معايا ويقدر يثبت إنها بتاعته.
وتابع: بالفعل تواصل معايا شخص وقال لي على علامات ومواصفات الفلوس، وبعد ما اتأكدت إنها بتاعته سلمتهاله كاملة، والمبلغ كان حوالي 151 ألف جنيه.
وأوضح إسلام في تصريحات لـ القاهرة 24: بعد ما سلمت الفلوس عرفت إنها كانت ثمن عملية قلب مفتوح لبنته، وساعتها حسيت إن اللي عملته كان له معنى كبير، وإن الفلوس دي كانت ممكن تكون سبب في إنقاذ حياة طفلة.
وتابع: أنا رفضت آخد أي فلوس أو مكافأة، لأن دي أمانة، وأنا عملت اللي ربنا أمرنا بيه، ومكنتش مستني مقابل.
واختتم حديثه قائلًا: أنا كل اللي فرحني إن الفلوس رجعت لصاحبها، وإن الأسرة تقدر تعمل العملية لبنتهم، وربنا يشفيها ويقومها بالسلامة.
ولاقى موقف إسلام إشادة واسعة من أهالي أجهور الكبرى، الذين وجهوا له الشكر على أمانته ورفضه الحصول على أي مقابل، مؤكدين أن ما فعله يعكس قيم النخوة والأمانة التي يتميز بها أبناء القرية.
