محمد هاني يلمح لتمديد عقده مع الأهلي: "403 ماتش.. ولسه الحكاية مكملة"
لمّح محمد هاني، لاعب الفريق الأول لكرة القدم بالنادي الأهلي، إلى استمراره مع القلعة الحمراء خلال الفترة المقبلة، قبل الإعلان الرسمي من إدارة النادي عن تمديد تعاقده.
محمد هاني يلمح لتمديد عقده مع الأهلي: "403 ماتش.. ولسه الحكاية مكملة"
ونشر هاني رسالة عبر حسابه الرسمي على “فيسبوك”، احتفل خلالها بوصوله إلى 403 مباريات بقميص الأهلي، مؤكدًا أن طموحه لا يتوقف عند هذا الرقم، وأن هدفه المقبل هو الوصول إلى 500 مباراة مع النادي.
وكتب محمد هاني: «من وأنا صغير كان حلم من أحلامي إني أشوف لاعيبة الأهلي وأبقى واحد منهم.. روحت النادي الأهلي وأنا عندي 9 سنين ومن ساعتها وأنا بحلم باللحظة دي».
وأضاف: «وصلت للفريق الأول وكان نفسي بس ألعب ولو ماتش واحد، والنهارده أنا لعبت 403 ماتش وبقيت جزء من تاريخ النادي زي ما هو تاريخي كله».
وتابع: “كنت نفسي أحتفل معاكم بالإنجاز ده السنة اللي فاتت، بس النتائج وقتها ما كانتش في صالحنا. النهارده وصلت لـ403 ماتش في مسيرتي مع الأهلي، وده كان واحد من أهدافي اللي كنت بحلم أحققها”.
وأوضح هاني: “بس الحلم ما بيوقفش هنا.. الهدف الجديد إني أوصل لـ500 ماتش في البيت اللي اتربيت فيه، وأبقى أكتر لاعب في تاريخ النادي يحقق بطولات، وأفضل أساعد الأهلي حتى لو بحاجة بسيطة”.
واختتم لاعب الأهلي رسالته بتوجيه الشكر لجماهير النادي ومجلس الإدارة وزملائه، قائلًا: “403 ماتش.. ولسه الحكاية مكملة”.
