المؤبد للمتهم بإنهاء حياة البلوجر أمير أسمع
قضت محكمة جنايات القاهرة، المنعقدة بمجمع محاكم العباسية، بحبس المتهم بإنهاء حياة البلوجر أمير أسمع، بعدما سدد له طعنات بسلاح أبيض، إثر خلافات مالية بينهما بمنطقة مصر الجديدة بالسجن المؤبد.
الحكم على المتهم بإنهاء حياة البلوجر أمير أسمع
وكشفت التحقيقات في قضية مقتل البلوجر أمير أسمع، تفاصيل جديدة بشأن اعترافات المتهم خلال التحقيقات في القضية رقم 8991 لسنة 2025 إداري مصر الجديدة.
س: ما تفصيلات إقرارك؟
ج: اللي حصل أنا كنت ماشي مع سيف ش، قبل الحادثة بحوالي 4 أيام كنا ماشيين مع بعض في ميدان سفير قريب حوالي الساعة 12 الظهر فـ سيف قالي تعالي هعملك مفاجأة بقوله ايه هي المفاجاة قالي تعالي نجيب كام كوتشي لينا فانا قولتله أنا معييش فلوس قالي ساعتها ملكش دعوة وفعلا روحت أنا وهو محل جنب سفير وساعتها أنا قولتله إنه بتاع واحد صاحبي اسمه ميمون وسيف قالي ساعتها يعني هيعملنا خصم قولتله آه طبعا وساعتها فعلا دخلنا أنا وهو وجبنا 4 كوتشيهات من هناك بس ساعتها قولناله هنبعتله الفلوس على المحفظة.
وأضاف المتهم: وقتها أنا اديت رقم ميمون لـ سيف علشان يبعتله عليه وفعلا جاله رسالة بالتحويل ووريناها لصاحب المحل وقالنا ساعتها التحويل مسمعمش لسه قولناله ساعتها طيب هنجيب حاجة وهنجيلك وسيب الحاجة عندك وساعتها محمود أخويا جالنا هناك فأنا كلمته وقلتله إن في واحد أمير صاحب سيف.ش، واقف عند ميدان سفير روح هاته فجه.
وتابع، أمير ساعتها ظهر كان بيتكلم في التليفون وساعتها أنا دخلت محل ثاني بتاع لبس سمعت صوت زعيق من برا وصوت أخويا عالي طلعت أشوف فيه ايه لقيت ميمون وناس ثانية بيتخانقوا وبيقولوا أنتم نصابين وبتاع ومفيش حاجة وصلت وساعتها قامت الخناقة ومحمود أخويا ادخل علشان يحوش عن سيف فـ ميمون ولع شمروخ ولسع أخويا بيه.
