قالنا اللي هيعترضنا هنكسر عضمه.. ننشر أقوال مستأجر كافيه اتهم إسماعيل دولار بالتعدي عليه| خاص
كشفت التحقيقات في القضية المتهم فيها إسماعيل دولار وآخرين، في واقعة المشاجرة التي شهدتها منطقة الكافيهات بالمقطم، على خلفية خلافات بشأن القيمة الإيجارية، تفاصيل جديدة في الواقعة.
وجاءت أقوال مستأجر أحد الكافيهات المعتدى عليه في مشاجرة إسماعيل دولار خلال التحقيقات على النحو التالي:
س: ما تفصيلات شكواك تحديدا في ذلك الشأن؟
ج: اللي حصل إن يوم 23/ 8 / 2026 الساعة 5:30 المغرب شريكي كلمني، وقالي إن رئيس مجلس إدارة الشركة المشرفة على إدارة مشروع كايرو كابيتال بشارع عبد المجيد محمود بالمقطم اتفق مع بلطجي ينزل يوم الواقعة يقطع الكهرباء عن الوحدات، ويحاول ياخذ كافيهات ويمضي الناس على عقود جديدة بالإجبار.
وأضاف: وقتها أنا رحت عند المحول بتاع الكهرباء اللي بيمد كل الوحدات بالكهرباء، وأنا قاعد لقيت على الساعة 6:30 مساءً في واحد اسمه محمد.ا، وده مدير الصيانة في الشركة ومعاه المتهم اللي اسمه صالح.ح، مدير التشغيل في الشركة وعايزين يفتحوا الباب الحديد اللي حوالين محول الكهرباء اللي مقفول بقفل ويقطعوا النور عن الوحدات في المشروع كله، وطلبت منه محدش يكسر حاجة أنا هطلب النجدة، راح واحد منهم قالي اعمل اللي أنت عايزه.
وتابع: وقتها حصلت مشادة كلامية بيننا وبينه، وفضل يزعق فيا أنا والناس صحاب الكافيهات ومحمد.إ ده نط من على سور المحول الجديد وفصل الكهرباء لمدة 10 دقايق تقريبا، وإسلام ده عمل مكالمة بعدها بثلاث دقايق، لقينا اللي اسمه إسماعیل دولار ده نزل، وقال لنا أنا المعلم إسماعيل، وأنا مدير أمن الشركات، وهم باعتني أشوف إيه المشكلة، وأنا معايا عربيتين ميكروباص فيهم رجالة اللي هيعترضنا هنكسر عضمه.
