مصطفى زيكو: مواجهة جورماهيا صعبة.. وسأكون جاهزًا عقب مباراة الغد
تحدث مصطفى زيكو، لاعب الفريق الأول لكرة القدم بنادي بيراميدز، عن مواجهة جورماهيا الكيني، المقرر إقامتها غدًا في ذهاب دور الـ64 من بطولة دوري أبطال إفريقيا، مؤكدًا أن المباراة لن تكون سهلة، خاصة في ظل الأجواء الإفريقية وموعد اللقاء.
تصريحات مصطفى زيكو
وقال مصطفى زيكو، في تصريحات صحفية قبل المباراة: ماتش صعب طبعًا، في أجواء إفريقيا دايمًا الماتشات اللي بالنهار بتبقى صعبة، ماتش الساعة 3 العصر، لكن إحنا مركزين وفاهمين إنه ماتش قوي وفريق قوي ومذاكرينه كويس.
وأضاف لاعب بيراميدز: إن شاء الله نحاول نطلع بنتيجة إيجابية عشان لما نرجع مصر إن شاء الله نكون مرتاحين شوية، ونقدر نخوض مباراة العودة بأفضلية تساعدنا على التأهل.
وأكد زيكو أن البداية في بطولة دوري أبطال إفريقيا ستكون مهمة للغاية، خاصة أن الفريق يسعى للوصول إلى مراحل متقدمة والمنافسة على اللقب، قائلًا: أهم حاجة في بطولة إفريقيا البداية، وده ماتش اللي بيخسر بيخرج، فإحنا محتاجين نطلع هنا بنتيجة إيجابية.
وتابع: نحاول نوصل لمكانة بعيدة في البطولة، إحنا بطل النسخة اللي قبل اللي فاتت، فمحتاجين إننا نحقق البطولة مرة تانية، وإن شاء الله نقدر نحقق ده من أول بكرة.
وواصل لاعب بيراميدز: الماتش صعب وفريق قوي، وإن شاء الله نقدر نعمل نتيجة إيجابية ونرجع مصر مرتاحين بإذن الله.
وتطرق زيكو إلى موقفه من المشاركة في المباراة، بعد الإصابة التي تعرض لها مؤخرًا، موضحًا: الحمد لله كان عندي إصابة بسيطة في ركبتي، والحمد لله رجعت كويس، ودلوقتي بتمرن مع الفريق، وسأكون جاهز قريبا.
