فتاة تشتكي من مطعم لبناني في مرسى مطروح يرفض دخول المحجبات: “ميشرفناش وجودكم” (صورة)

اشتكت فتاة تدعى “نور أمين”، من عدم السماح لها بالدخول لإحدى المطاعم اللبنانية المتواجدة في مرسى مطروح، والسبب يعود لكونها محجبة، على حد قولها.

وتقول الفتاة في تدوينة عبر حسابها على “فيس بوك”: “امبارح روحنا المطعم اللبناني الجديد اللي تحت أبراج العالمين عشان نتغدي، ودي أول مره نروح لأنه لسه فاتح وبعد كده قالولنا في”private event ناس حاجزه المكان كلو، ولما قولنالهم طب ممكن نحجز لبكره قالو ممنوع دخول المحجبات!”.

وتساءلت: “مطعم لبناني علي أرض مصرية ومشروع تبع الجيش، ممنوع دخول المحجبات ليه؟، هو مش bar wala pub، ليه إحداث إن دي الrules. بتاعت المكان، في أماكن أنضف من مكانك بمرااحل بترحب بينا وتستقبلنا أحسن استقبال”.

ووجهت رسالة للقائمين على المطعم، قائلة: “فاكر إن ده بتحافظ علي الـcommunity، في محجبات أنضف كتير وعائلات من كل اللي بيدخلولك الأماكن دي، احنا مش عايزينها عندنا في اَي حته، احنا اللي ميشرفناش وجودكم ونشر التخلف والجهل بين عقول الناس وعقول أولادنا”.

وطالبت الفتاة بمقاطعة ذلك المطعم والمطاعم الأخرى المتبعة نفس سياسة الدخول، والتي أصبحت منتشرة بشكل كبير خلال الفترة الأخيرة، وكثيرًا ما تسببت في استياء روادها.

بعد تكرار الشكاوى.. تعميم منشور يحظر على الفنادق منع نزول المحجبات بالمايوة الشرعى (مستند)