خطف شيبسى وأكل.. موقف شهم لضابط شرطة ينقذ طفل من علقة ساخنة على يد بياع

تداول مستخدمو موقع التواصل الاجتماعي فيس بوك، موقف إنساني لضابط شرطة مع طفل صغير، قام بخطف كيس شيبسي وخبز من إحدى محلات السوبر ماركت، وطارده صاحب المحل، إلا أن القدر أوقف الضابط محمد عرابي في طريقه.

وأوضح شاهد عيان على الموقف الإنساني:”الضابط المحترم ده اسمه نقيب محمد عرابي ضابط مرور بمدينة نصر وأنا أصريت اعرف اسمه لأن الموقف إللى عمله بصراحه موقف في قمه الرجولة، بياع سوبر ماركت بيجري خلف طفل لا يتعدي الـ 10سنوات وبيقول حرامي، وكان الطفل بيجري اتجاه الضابط ولم يكن يلاحظ وجود ضابط شرطة فإذا بالطفل يصطدم بالضابط وإذا ببياع السوبر ماركت بيقوله (الله ينور يا باشا ده حرامي)”.

حبس 3 متهمين بقتل مشرد حاول سرقة مياة غازية من سوبر ماركت بوسط البلد (صور)

واستطرد الشاهد:”الضابط تجاهل بياع السوبر ماركت وبص للولد وقال له (أنت اخدت أيه)، فوجد في أيده كيس عيش وكيس شيبسي فالطفل بص للضابط وقاله (ونبي متحبسنيش يا باشا) قاله (متخفش يا حبيبي) وأخرج محفظته أمام الناس وبص للبياع قاله (بكام دول) قاله (١٥ جنيه) وخرج الضابط الفلوس من المحفظه وقال للبياع (امسك!!) وسط تعجب من الناس قاله (يا باشا ده عيل متشرد حرامي متعود يعمل كده سيبهولي بس أنا هاكله علقه أخليه يحرم).

وأضاف الشهود:”نظر الضابط للبياع نظره غضب وقاله كلمه بقيت ترن في اذني (لما طفل عنده 10 سنين ياخد منك أكل ويجري ده ميبقاش اسمه سرقه ده يبقي اسمه جوع، يلا يا أستاذ اتفضل روح علي محلك)، وسط ذهول كبير من الناس إن الضابط ميهمهوش منظره وسط الناس ولا برستيجه و يدور بين الضابط والطفل حوار في قمه الروعه والطفل بعد ماكان منهار في البكاء يمشي بيضحك وهو بيقول للضابط (يا باشا أنا لما أكبر هدخل الشرطه وأبقي باشا زيك) وابتسامه جميله من الضابط”.

أول تعليق من أصحاب “السوبر ماركت” المتهمين بقتل مشرد: “سامحناه مرة.. ومش إحنا اللي قتلناه” (فيديو)