أحمد فهمي يشن هجوما على شخص يتاجر بمرض زوجته هنا الزاهد (تفاصيل)
قام الفنان أحمد فهمي، بشن هجوم على أحد الأشخاص، بسبب تروجه لأخبار كاذبة عن مرضه زوجته هنا الزاهد.
وقام فهمي بإعادة فيديو قام بنشره “شخص” عبر موقع الفيديوهات الشهير “اليوتيوب” وعلقت عليه قائلا:” اتفضلوا يا جماعة .. شوفو إحنا عايشين فى وسط آية … فيديو استثمار مرض … و كل المعلومات غلط ولا غيرت مواعيد الفرح ولا هى عندها فيروس ولا أي كلام من دا … حسبى الله و نعم الوكيل”.
وأضاف فهمي :” أنا مش بديلة قيمة يا جماعة أنا بوريكوا بس .. هل دى نوعية المفروض إني أحترمها زي ما بتتطلبوا مننا كفنانانين؟!! .. إحنا متبهدلين في المستشفيات و دا بيأكل على قفانا عيش بالكذب .. لسة عايزني أبقى محترم مع الناس دي؟”.
أحمد فهمي يتحدث عن مرض زوجته هنا الزاهد ويكشف تطورات حالتها
وفي وقت سابق ،كان الفنان أحمد فهمي، أعلن عن إصابة زوجته الفنانة الشابة هنا الزاهد، أثناء قضائهم إجازة شهر العسل، وذلك عبر حسابه الشخصي بموقع “انستجرام،
وكتب فهمي، على الصورة التي نشرها:”عامة أنا مليش في الحركات البيئة زي دى خالص ولا عمرى كنت هجيب سيرة ولا أنزل صور زي دي و بقالي شوية بهزر مع صحابى الزماكاوية عالماتش”.
وأضاف:”بس إحنا برا مصر أنا وهنا وبقالنا يومين بنروح لدكاترة عشان هنا تعبانة ودلوقتي رحنا لتالت مرة عشان تعبت تاني جدا.. بجد فى ناس مركزة أوى اوى أوى معانا لدرجة أن فى مهرجان (مش الجونة) كان من كام يوم مبيسألوش أي حد من الزملاء عن الجائزة اللي واخدها لأ بيسألوهم عننا وعن الفرح”.
وتابع: “وعن تدخلى في شغل هنا والغريب أن في بعض الزملاء خاضوا في حياتنا الشخصية.. بجد شكرًا جدًا لكل الناس اللي فرحنا لنا من قلبها وربنا يديمكو نعمة.. أما بجد اللي مركزين ارجوكوا الحياة مش ناقصة.. إحنا فى شهر العسل وبايتين اهو في المستشفى”.
