حمو بيكا يستعد لحفلتين في السعودية.. شاهد تعليق محمد رمضان (صور)
يحيي مطرب المهرجانات الشهير حمو بيكا، حفلتين بالمملكة العربية السعودية، خلال شهر فبراير الجاري، حسبما أعلن عبر حسابه بموقع تبادل الصور والفيديوهات القصيرة “انستجرام”.
ونشر بيكا صورة له رفقة الفنان محمد عبد الحافظ، وعلق عليها قائلًا: “انتظروني في أقوي حفلتين في السعودية (27)(28)”، ليعلق النجم محمد رمضان سائلًا الجمهور قائلا: “مين اللي مع حمو بيكا ده؟”، ليرد متابع قائلًا: “عصام النمر اللي في مسلسل الأسطورة”، ثم يرد عليه النجم: “شاطر”.
وجاءت حفلات بيكا بالمملكة العربية السعودية بعد أيام قليلة من إعلانه إحياء حفل بالولايات المتحدة الأمريكية، من خلال نشره بوستر عليه علم أمريكا، على “فيس بوك”، وعلق عليه قائلًا: “قريبًا بيكا في أمريكا”.
بعد منعه من الغناء بمصر.. حمو بيكا في أمريكا قريبًا (تفاصيل)
وفي وقت سابق، شن مطرب المهرجانات حمو بيكا، هجومًا حادًا على الشعب الصيني، الذي يعاني في الوقت الحالي من انتشار فيرس “كورونا”، الذي أدى إلى إصابة عدد كبير من الصينيين ووفاة آخرين.
وقرر حمو بيكا التحدث عن هذه الأزمة، حيث خرج ببث مباشر عبر صحفته الرسمية على “فيس بوك”، بدأ حديثه فيه قائلًا: “السلام عليكم كل أخواتنا كل الناس اللي بتحبنا، طبعا الموضوع دا مكنتش عايز أتكلم فيه، ولكن لازم أتكلم فيه، ربنا محرم حاجات المفروض إحنا منكلهاش، الصينيين طبعًا كسروا كل دا، وبياكلوا حاجات غريبة، ثعابين وخفافيش وحاجات غريبة”.
وتابع: “طبعًا زي ما انتو عارفين في مرض منتشر دلوقتي في الصين، مالوش مصل ولا علاج، وعايز أقول لكل أخواتنا المصريين الموجودين في الصين وعارفين يرجعوا، بإذن الله انتو هترجعوا ومش هيبقى فيكم حاجة، وهترجعوا سالمين، وأنا بقولكم معلش شدة وهتزول، وكلكم هترجعوا لأهلكوا سالمين”.
وأضاف: “بس عايز أقول للصينيين اللي عمالين ياكلوا خفافيش وثعابين وكلاب، ما انتو عندكوا أكل تاكلوه، عندكم جواميس ومعيز وخرفان وسمك ولحوم، انتم سايبين كل الحاجات اللي ربنا محللها، ورايحين تاكلوا اللي ربنا محرمه، انتم مافيش عقل عندكم، مافيش مخ، يعني أنا عايز أفهم، كل شوية يتقال الصين الصين، الصين كانت بتخترع دلوقت بتموت، بتدمر، طبعًا زي كل الدول منعت دخول الصينيين البلد”.