حمو بيكا لـ”هاني شاكر”: “أنا بس اللي ممنوع من الغُنا.. ولكن هفضل على وضعي” (فيديو)

وجه مطرب المهرجانات حمو بيكا، رسالة إلى الفنان هاني شاكر نقيب المهن الموسيقية، والذي يرفض إعطاءه عضوية النقابة، بسبب أنه غير معترف بالأغاني التي يقدمها، ويصفها بأنها “مبتذلة”.

وخرج بيكا في بث مباشر على صفحته الرسمية بـ”فيس بوك”، وقال: “لازم تعملوا لنا شعبة، ولما تعملوا نمضي على الأغاني، ولما يبقى فيه لفظ خارج نتعاقب، أعملوا لينا تصاريح، في ناس كتير من بره مصر بتيجي وبتغني في ملاهي ليلية وبيعملوا حفلات، ومحدش بيتكلم، ومش معاهم تصاريح اشمعنى أنا بس؟”.

وتابع: “كل الناس بتسمع المهرجانات، جميع الفئات، ولكن أنا اللي ممنوع عادي، ولكن أنا هفضل على وضعي، وإحنا تاريخ المهرجان، انتو لازم تمنعوا الناس دي زيي، دي رسالة بوجهها لكل مسؤل، أنا هكمل في شغلي وربنا مبيرضاش بالظلم”.

حمو بيكا لـ”حسن شاكوش”: أنت كنت شفاف وبتجيلي تقعد على الأرض.. وأنا اللي عملتك” (فيديو)

كما شن حمو بيكا، هجومًا حادًا على صديقه مطرب المهرجانات حسن شاكوش، والذي بدأ في الفترة الأخيرة ينسب نجاحات أعمالهما معا لنفسه، مما جعل الثاني يتصدر مواقع التواصل الاجتماعي المختلفة، ويظهر في عدد كبير من وسائل الإعلام.

وكشف تفاصيل الخلافات بينه وبين شاكوش، فقال: “أنا تاريخي حبيتك وجرحتيني أنت تاريخك إيه؟، أنا اللي عملت تاريخك أنت كنت موجود بس شفاف، زعلت منك فلان وعلان وبس ولكن الناس عارفه تاريخك إيه، أنا عندي كاميرات في الاستوديو مصورة كل النجوم اللي دخلوه اللي أنا طلعتهم نجوم”.

وتابع: “عمر كمال أطيب منك مش هلاقي زيه في الحياة، الخبث والصفار عندك، وأنت معروف طول حياتك معروف، في مثل بيقولك دا شبع بعد جوع، نمبر وان إيه ونمبر تو إيه يكون بشغلك، أنا عامل تراك جايب 150 مليون، فيجو الدخلاوي هو اللي وزع الأغاني كلها دا اللي لعب المزيكا اللي بتسمعوها في الشارع”.

واستكمل: “أنت بتنزل أوردرات تغني شغلي ، نفسي تنزل تغني شغلك، أنا اللي عملت كل النجوم، كل اللي هيكتب عني من الصحف، مافيش غير القانون عشان أنا راجل فيمص، إحنا كلنا بنحمل اسم مهرجان شعبي، وكنت بتجيلي تقعد على الأرض عشان تشتغل، وبعد أنت قليت معايا في بلدك على عكس أنا عملت معاك الصح في بلدي”.

وأضاف: “الناس دي هما دوول تاريخ المهرجان، المهرجان فرض نفسه، وأنتو اللي هتحكموا لو عايزنه يختفي هيختفي لو عايزينه يكمل يكمل، وعايز أقول لكل أخواتي اللي ف أمريكا انتظروني في أقوى حفلة في الدنيا”.