شاب من مستشفى العجمي: “أنا كويس جدا ومش زعلان وده اختبار من ربنا” (فيديو)

تداول عدد من مستخدمي موقع التواصل الاجتماعي”فيس بوك” بمحافظة البحيرة اليوم الخميس، فيديو لشاب مدينة كفر الدوار، تم تحويله أمس الأول من مستشفى صدر دمنهور إلي مستشفى العجمي، لتلقى العلاج اللازم بعد ثبوت إيجابية إصابته لفيروس كورونا المستجد.

وظهر الشاب مبتسما جالسا على كرسي داخل غرفة بمستشفي العجمي قائلا: “صباح الخير معاكم أحمد عبد الفتاح انا حاليا في مستشفي العجمي للحجر الصحي اطمنكم عليا والله العظيم انا كويس جدا الحمد لله، هما شوية سخونية على كحة حاجات الحمد لله بسيطة وبتبدأ تروح”.

مضيفا: “إن الاحتقان بدأ يتحسن وتكسير في العضم مازال موجود، بس الحمد لله أحسن من الأول، ووجه رسالة شكر للفريق الطبي قائلا: “بشكر كل طقم الأطباء والفنيين والتمريض والقائمين على الخدمة والمعاملة كويسة جدا، وبشكر على أصحابي ومقصر مع ناس كتير معرفتش أرد عليها انا أسف لان أوقات مكنتش بعرف أرد فيها”.

وتابع قائلا: “اشكر كل أصحابي اللي سألوا عليا واطمئنوا عليا وعلى أهلي وعلى مراتي وعلى بنتي شكر ومحتاج دعواتكم وان شاء الله ها أبقي كويس”.

وحول إصابته بالفيروس قال “أحمد”: الموضوع بدأ معايا من حوالي 8 و9 أيام سخونية واحتقان وتكسير في العضم، كلمت زميلي محمود مهدي خدني صدر دمنهور عملوا المسحة طلعت ايجابية واتنقلت في الإسعاف في نفس اليوم على العجمي، والحمد لله بتلقي العلاج جرعة صباحية وجرعة مسائية غير قياس درجة الحرارة والضغط والأطباء بتشرف عليا من وقت للتاني”.

وتابع: “أكيد ده اختبار من ربنا وانا الحمد لله مش زعلان لان في الفترة الصغيرة جدا دي ظهر حب الناس أهلي وحشوني وأصحابي واشكر كل الناس اللي سألت عليا، وإن شاء الله ها أعمل تحليل النهاردة أو بكره اللي هو مسحة تحت الحلق والأنف عشان خاطر يتعملي تاني PCR  وإن شاء الله هيتحدد نسبة الشفاء بعد تحليلين المفروض التحليل الأول والتاني يطلعوا سلبي وبعدها إن شاء الله اخرج على طول دعواتكم”.