مجدي الهواري: “تكريم مؤمن زكريا على مسرح كايرو شو أقل حاجة نقدره بيها.. وقلوبنا كانت بتتقطع” (فيديو)
كرّم فريق عمل مسرحية علاء الدين، بطولة النجم أحمد عز، اللاعب مؤمن زكريا، بعد انتهاء العرض الخاص بالمسرحية على مسرح كاريو شو، والعمل على دعمه ومساندته في محنة مرضه التي يمر بها في الوقت الحالي، وحرص النجم أحمد عز على تكريم اللاعب مع المخرج مجدي الهواري على المسرح.
علق المخرج مجدي الهواري، على الموقف الإنساني من حضور اللاعب مؤمن زكريا، مسرحية علاء الدين مساء أمس الجمعة، حيث تداول مقطع فيديو وهو يبكي على المسرح متأثرًا بهتاف الجمهور باسمه وتوجيه التحية له بعد ابتعاده عن الملاعب بسبب مرضه.
ونشر الهواري عبر حسابه الشخصي على موقع تبادل الصور والفيديوهات القصيرة “انستجرام”، مقطع فيديو من تقديم أحمد عز للكابتن مؤمن زكريا على المسرح، وعلق قائلًا:”أولا.. عن الإنسانية، الحقيقة أنا متفائل لأن الناس لسه عندها استعداد تتحمس وتشارك وتتفاعل في أي حاجة فيها فعل وعمل إنساني، بس مستغرب أن بعض الناس شايفة الموضوع جديد على الفن، لا خالص! يا جماعة ده هو ده دور الفن.. لأنه ببساطة هو الحياة والحياة من غير الإنسانية مش حياة”.
View this post on Instagram
وتابع :” يا ريت نتذكر أن رسالة الفن مش بسيطة وسهلة زي ما بعض الناس فاكرة لا دي ضرورية ومهمة جدا لأنها باختصار واجبة الحدوث، وبتحرك قلوب، ومسئولة عن إسعاد الناس وتقديرهم.. والحمد لله أهو كان مبسوط امبارح وسعيد بالعرض وتكريمه يبقى كده جون لينا الحمد لله، يعني بعد موقف امبارح اللي هو واجب علينا للنجم مؤمن زكريا لما اتحاد الكورة يقرر يعمل ممر شرفي له في مبارك القمة النهارده بعد اللي حصل امبارح؟ كده إحنا عملنا دورنا .. ده دور الفن ياجماعة بس اللي يفهم”.
وأضاف مجدي: “ثانيا.. الحراق مؤمن زكريا، حبيب القلوب، والله ده أقل حاجة نقدره بيها، قلوبنا معاه كانت بتتقطع امبارح عليه، ربنا يشفيه ويرجعه تاني يمتع جمهوره وكلنا ندعيله، كل فرقة علاء الدين امبارح كانت بتعمل دورها في المجتمع برسالة حب من الفن المصري إلى الإنسانية.. اطمنت إننا لسه عايشين والله يا جماعة لما الناس قامت تسقف ربع ساعة علشان بتقدر مؤمن زكريا وقلوبها معاه حاجة جميلة من جمهور واعي مثقف محب للفن ويقدر الاخر الفنان تحياتي له”.
هاني أبو ريدة يطلق مبادرة لدعم مؤمن زكريا في رحلته العلاجية
واختتم مخرج مسرحية” علاء الدين “: “وتحياتي لكل أعضاء فرقة علاء الدين اطمنت على قلوبكم كل فرقة علاء الدين لما بكيتم اتقطعت قلوبنا.. الحمدلله علي نعمة الإحساس، شكراً فرقة علاء الدين ربنا يجعل ديماً قيمة الانسانية في قلوبكم وتكونوا ديما سفراء الفن المصري، ثالثا :وشكرًا للنجم أحمد زاهر حضوره والكلام الحلو اللي قاله عن العرض، تحية منا وحب واحترام وتقدير منا”.
محمد جمعة يدعم مؤمن زكريا في محنة مرضه (فيديو)
