“خناقة” بين وليد سليمان وجمهور الأهلي بسبب محمد يوسف

أشعل وليد سليمان لاعب الفريق الأول لكرة القدم بالنادي الأهلي، غضب قطاع من الجماهير الحمراء بعد تعليقه على بيان محمد يوسف المدير الفني السابق للفريق. الأزمة بدأت بعد أن علق وليد من حسابه الرسمي على موقع التواصل الاجتماعي “فيس بوك” على بيان يوسف قائلاً: “والله ياكابتن حضرتك تستاهل كل خير وقدها وقدود ربنا يارب يوفقك وتستحقها عن جداره وجدير بيها وزي ما عملتها في 13 إن شاء الله قادر تعملها في 20”. وانتقد أحد المتابعين كلام وليد قائلاً: “والله لو في إدارة محترمه تجمد حضرتك لاخر الموسم وتنهي عقدك يا كابتن… واضح إنك مش عايز فايلر يكمل عشان حضرتك تلعب كل ماتش من أوله لآخره.. احترم سنك وتاريخك النادي مش عزبتك”. وعلق آخر: “يا كابتن وليد مدربك اسمه رينييه فايلر مش محمد يوسف و لسا ع رأس الفريق!، ارحمونا بقا”.

وليد سليمان لـ”محمد يوسف”: تستحق قيادة الأهلي من جديد والفوز بدوري الابطال

 

وقال ثالث.. “أنا مش عارف اي ال دخلك في حوار السوشيال ميديا، فين الكابتن سيد عبدالحفيظ من الموضوع دا ؟؟؟!؟؟؟”.

وباقي التعليقات جاءت غاضبة وهذا نموذج منها.. “يعني معرفتوش تجيبوها بكل المدربين الي فاتوا هتجيبوها بالكابتن محمد يوسف؟؟” “ماتحترموا عقولنا شوية ياكابتن!” “يا كابتن مش دور حضرتك خالص خصوصا وانت بتتمرن مع مدير فني تاني دلوقتي”.  

ورد وليد قائلاً: “الأهلي أكبر من أي حد والاهلي اللي بيضيف لأي حد إن كان مدرب أو لاعب علشان كدا عمر الأهلي ما بيوقف على أي شخص مهما كان علشان كدا ياريت نبطل تعليقات بطريقة مش لطيفة وانا مليش غرض من أي شئ علشان في ناس بتستخف دمها انا مشجع قبل أن أكون لعيب”.