"كلمة بحبك عَقد".. عبارات كتبها الفصيح وحيد حامد فصارت أقوالاً مأثورة

تميز الكاتب الراحل وحيد حامد في كتاباته، بانخراطه في الواقع المصري، واستمداد أغلب الجمل الحوارية من الناس وهموهم، فعبر عنهم بدقة عالية، جعلتهم يستشهدون بما يكتبه في الكثير من المواقف، فهو فيلسوف الكلمة، وعبقري الحوار.

وعبر السطور التالية، نستعرض أبرز الجمل الحوارية والعبارات التي قدمها وحيد حامد في أعماله، فصارت على ألسن الجميع:

- "حاجات كتير هترخص هتبقى بسعر التراب، أنا وإنت والأستاذ وحضراتكم أجمعين"، من فيلم الإرهاب والكباب.

- "يبصوا على البلد اللي باظت.. احنا في زمن المسخ"، من فيلم عمارة يعقوبيان.

- "كلمة بحبك.. عَقْد"، من فيلم اضحك الصورة تطلع حلوة.

- "لما الناس بتموت الحياة بتستمر، بس لما الناس بتبعد؛ الحياة بتُقف، غريب إن الموت أرحم من البُعد، يمكن لإن الموت حاسم، إنما البُعد فيه احتمالات"، من فيلم الغول.

- "المحاكم عندينا إيدها خفيفة أوي، وهي بتدي حكم بالسجن أو الإعدام، وإيدها تقيلة أوي وهي بترجع الحقوق لأصحابها"، من فيلم الإرهاب والكباب.

- "كنت محتاج حد أتكلم معاه.. أتكلم معاه ويسمعني ويطيِّـب خاطري، لمَّا أكون متضايق.. يسمعني كلمة حلوة، لما أعمِل حاجة صح.. سنين طويلة وأنا مش لاقي حد أتكلم معاه.. يستريحلي وأستريحله.. عشان كده لقيت نفسي جيت هنا من غير ما أحس" من فيلم اضحك الصورة تطلع حلوة.

- "الصورة لما بتبقى وحشة بنقطعها ونرميها، والصورة لما بتبقى حلوة بنحتفظ بيها، لأنها بتفكرنا بأجمل لحظات عمرنا يا بنتي" من فيلم اضحك الصورة تطلع حلوة.

- "ضحكوا عليك يا سبع الليل؟!.. اللي هنا مش أعداء الوطن" من فيلم البريء.

- "الدنيا يا ولدي ليها وشين.. أبيض وأسود.. لما تبقى بيضا قدامك، افتكر الأسود عشان تسلك، ولما تبقى سودة افتكر الأبيض عشان تقدر تعيش لبكرة" من فيلم الإنسان يعيش مرة واحدة.

- "حسين أفندي ابن أبويا الحاج وهدان، لا يمكن يكون من أعداء الوطن"من فيلم البريء.

- "مفيش صداقة أبدا مع خصومة، اتنين ديابة لا يمكن يعيشوا مع بعض في قفص واحد"، من فيلم طيور الظلام.

- "الفُرص زي الجزم لازم تبقي على مقاسك، لا تبقي ضيّقة أوي تخليك تُعرج، ولا تبقي واسعة أوي تخليك تلؤ"، من فيلم طيور الظلام.

وتوفي الكاتب الكبير وحيد حامد، صباح اليوم، داخل أحد المستشفيات، عن عمر يناهز 76 عامًا، إثر تعرضه لوعكة صحية أودع على أثرها العناية المركزة منذ عدة أيام.

"يا حبيب أختك".. انهيار شقيقة وحيد حامد فور وصول جثمانه لمسجد الشرطة (فيديو)

كريم عبد العزيز وإلهام شاهين يلقيان النظرة الأخيرة على جثمان وحيد حامد