زينة عن أحمد عز: "ماكرّهنيش في الرجالة.. بس أنا تمام أوي"

كشفت زينة موقفها من الزواج والرجال، خاصة بعد أزمتها الأخيرة مع الفنان أحمد عز، وقالت: "مشاعري ماتت اتجاه الرجل، والموضوع مش شاغل دماغي، ولكن أنا تمام أوي".  

تابعت خلال مداخلة هاتفية مع برنامج "ET بالعربي": "هو مكرهنيش في الرجالة، ما أنا إخواتي وولادي هيبقوا رجالة، بس بقيت بشوفهم بشكل تاني، والحب مش موجود، وأنا إنسانة متعودتش أفشل، وفشلت خارج إرادتي، فالفشل خلاني محبتش أعيد التجربة تاني خالص".

أضافت: "مش بستسلم للفشل نهائي، بس أنا متعودتش أفشل، ولما فشلت قررت إني منفعش في الحتة دي فخلاص، حتى لو أنا غلطت، ولكن أكيد ممكن ألاقي مليون حد يحبني".

عن الأشياء التي قررت أن تتجاوزها في العام الجديد، قالت: "هحاول أبطل أخاف وأتعايش، لإني مش قادرة اتعايش، وهلم ايدي شوية، وأنا بصرف كل اللي بيجيلي، ودلوقتي بقيت واحدة مسئولة، وقررت أجيب كشكول وأعمل نوتس وأكتب فيها الفلوس اللي عليا واللي معايا واللي هصرفها، وهمسك إيدي في ايه، وهعمل الكشكول ده من بداية السنة".

زينة مع بداية 2021: "هحاول أبطل أخاف وأتعايش.. وهلم إيدي شوية"

زينة عن خلافات تامر حسني وزوجته: "راجل أوي وصارم في بيته وبيفكرني بأبويا" (فيديو)