بعد أزمتها.. هنا الزاهد تدعم حورية فرغلي: "الجميلة من الداخل والخارج" (صورة)
حرصت الفنانة هنا الزاهد على دعم صديقتها الفنانة حورية فرغلي، عقب تصريحاتها خلال الفترة الماضية حول الحالة النفسية السيئة التي آلت إليها بسبب فقدانها حاسة التذوق والشم وتغيير ملامح وجهها بعد خضوعها لـ10 عمليات جراحية في منطقة الأنف.
ونشرت هنا الزاهد صورة لها عبر خاصية "الاستوري" على حسابها الشخصي بموقع تبادل الصور والفيديوهات القصيرة "انستجرام"، وعلقت عليها قائلة: "الجميلة من الداخل والخارج حورية فرغلي ".
وسبق، أعربت حورية عن استيائها من الوضع الذي آلت إليه خلال حديثها مع "القاهرة 24"، وقالت: "أنا مستنية بقالي سنة السفارة تفتح وقاعدة في البيت بسبب كورونا، ومحبوسة بقالي سنة، لا بطلع برا البيت ولا بشوف حد ولا حتى ببص لنفسي في المراية، الدكتور الخاص بي في أمريكا وهو الدكتور الوحيد اللي في العالم عارف تشخيص حالتي ويعرف يعالجني، دا بشهادة أكبر دكتور في مصر".
وأردفت: "المشكلة مش مشكلة شكل، أنا بقالي سنتين لا بستطعم أكل ولا بشم ريحة يعني لو حصل حريقة في البيت مش هعرف اشم ريحة الشياط حتى، عمليتي معقدة جدًا، المفروض دي العملية رقم 10، والمفروض إنها تكون آخر عملية، أنا معنديش أنف أصلًا، الحصان وقع فوق وشي، فمناخيري بقيت عاملة زي الباودر، مفيش هيكل أساسًا للأنف، والحادثة من 10 سنين".
وتابعت: "لو صادفت المراية بفضل أقول دي مش أنا، أنا كل شوية بقول إن كورونا هتخف والسفارة هتفتح وهسافر بقالي سنة على الوضع دا"، مشيرة إلى أنها تعرضت للعديد من الانتقادات بعد فيلم "استدعاء ولي عمرو" على أنفها، منها: "كفاية بقى بقيتي مسخ، اقعدي في البيت، شكلك بقى مقرف، وأنا بنت بردو وبتأثر، ولكن أكيد مش هستجيب ليهم بس لازم أعمل العملية على الأقل عشان أعرف أنا باكل إيه سيبك من الشكل، أنا مش شامه ريحه خالص، بجد محدش كان عارفه قيمة الحاستين دول".
بعد أزمة حورية فرغلي الأخيرة.. تعرفي على أسباب فشل عمليات التجميل من عدمها
