فيفي عبده:" أنا بعبُد مصر ولبس الحجاب مش بعيد على ربنا" (فيديو)

نفت الفنانة فيفى عبده، شائعة اعتزالها الفن واردتدئها الحجاب، بعد تعرضها لوعكة صحية مؤخرًا، أدت إلى ملازمتها المنزل منذ أشهر، ومحافظتها على كورسات علاج.

قالت "فيفي" خلال مداخلة هاتفية مع الإعلامية إيمان الحصري، عبر فضائية "dmc": "عشان ظهرت للناس في فيديو بالحجاب، الدنيا كانت برد جدا، وكنت بصلي فكسلت أشيل الطرحة عشان الدنيا كانت برد أوي، ارتداء الحجاب مش بعيد على ربنا في لحظة، الموت نفس طالع ونفس لأ، لو ربنا أراد ألبس الحجاب على طول هعمل ده، لكن محصلش ده، وأنا محتارة أعمل إيه عشان أرضي الناس".

أشارت إلى أنها تحب أن تعيش على طبيعتها، مشددّة على حبها الشديد لمصر، مضيفة: "أنا بحب البلد دي أوي، بحب طين البلد دي، بحب مصر للنخاع، أنا بعبد مصر، وبحبها وبموت فيها، بموت في كل حاجة في مصر، وأنا زي السمك لو طلعت من مصر أموت".

سبق أن استاءت فيفي عبده من الشائعات التي تداولها رواد مواقع التواصل الاجتماعي وبعض الصُحف خلال الأيام القليلة الماضية، بعد إعلانها الدخول في وعكة صحية.

ظهرت خلال مقطع فيديو نشرته عبر حسابها الشخصي على موقع التغريدات القصيرة "تويتر"، وقالت: "في إيه أنا قولتلكو رجلي تعبانة شوية والحمد لله دلوقتي بتحسن بدعاكو، أرجوكو كفاية كدا، بجد كفاية الناس مخضوضة عليا من كل أنحاء العالم، حرام عليكو، حرام عليكو اللي بيطلع الكلام اللي ملوش لازمة".

فيفي عبده:" العمر مش بعزقة.. واللي بيقول في الإنعاش أقوله إن شاء الله اللي يكرهني"