عباس أبو الحسن يستهجن التنمر على ضحايا التحرش: "المرة الجاية وانتو بتركعوها افتكروا إنكم شر أعظم"

استهجن الفنان عباس أبو الحسن، التنمر الذي يقع على ضحايا التحرش، بعدما يفصحن عن ما جرى معهم من وقائع متدنية، وأشار إلى أن ذلك يدفع المتحرشين ويشجعهم على تكرار الفعل.

وكتب عباس أبو الحسن عبر حسابه الشخصي بموقع التواصل الاجتماعي "فيس بوك"، وقال: "فصام رهيب في مجتمعنا، تلاقي معظم التعليقات على مواقع الأخبار الالكترونية، اللي بتسرد وقائع تحرش أو اغتصاب، بتسخر وبتدين وتسب بمنتهى القسوة والفظاظة والقذارة، وبتلعن الجاني والمجني عليها، كأنهم مشتركين في عمل إباحي ممكسوين بيه، مش إن المجني عليها هي اللي جتلها الشجاعة تروح تاخد حقها أو حتي تحاول".

وتابع: "هل توقفتوا لحظة تسألوا نفسكم أنتم لما بتعملوا كدة مين الكسبان ومين الخسران، الخسران ببساطة هي الضحية اللي لما تقرى الكلام دة، مش بس هتتصدم، لأ دة أهلها هيلعنوا اليوم اللي قرروا يشتكوا فيه، أو وافقوا إنها تشتكي، وربما يجبروها تروح تتنازل وتخرس بعد ما تعتذر لهم على اللي اتسببت فيه، الكسبان هو الجاني اللي هيفلت بعملته وغيره هيتشجع".

واستكمل: "يبقي أنتم عمليًا بتساهموا في ايه ؟! إن التحرش يزيد ويستفحل، وإن المجني عليهم يخرسوا ويتقبلوا الظلم الوحشي اللي وقع عليهم مش كدة ؟، الشئ البائس إن نوعية الناس دي هي لو حد من أهلها حصله كدة، هيدفنوا راسهم في الرمل، ويتخلوا عن مساندة أقرب الناس لهم في أقسى محنة ممكن يتعرض لها إنسانة أو إنسان".

واختتم حديثه: "المرة الجاية يا دكر ويا امرأة يا محافظة وانتوا بتركعوها بعد ما قلشتم علي الاتنين، افتكروا حجم الجريمة اللي أنتم عملتوها، أنتم مش شياطين خرساء بس، أنتم الشر الأعظم، اتكسفوا على دمكم".

محامي عباس أبو الحسن: السجن من 7 لـ10 سنوات ينتظر طبيب الأسنان المتحرش بالرجال

عباس أبو الحسن بعد تنحي محامي الطبيب المتحرش بالرجال من القضية: "دخل هدد وبرطم"