فرج عامر: "محدش يعرف مين اللي تفاوض واتفق معانا على شراء حسام حسن"
الجمعة 29/يناير/2021 - 09:55 ص
علق فرج عامر رئيس نادي سموحة، على صفقة بيع لاعب الفريق الأول حسام حسن، لأحد الأندية بمصر، والتي أعلن عنها رئيس سموحة أمس الخميس، قائلا: إنه تم الاتفاق مع أحد الأندية على بيع اللاعب مقابل 40 مليون جنيه.
وكتب فرج عامر عبر حسابه الشخصي على موقع التواصل الاجتماعي "فيس بوك": "محدش عارف مين اللي تفاوض واتفق معانا على شراء حسام حسن، عموما الاتنين مهتمين جدا بية وبيتصارعوا على شراءه واحنا اتفقنا مع واحد فيهم على بيع حسام حسن بـ 40 مليون جنيه يدفع النصف في الأيام القليلة جدًا القادمة والنصف الآخر قبل بداية الموسم القادم".
وأضاف: "التاني قال لي بالحرف الواحد استنى لما تسمع مننا وأرجوك ماتتصرفش علشان حيحصل تغييرات كتير عندنا الموسم القادم ولازم حسام حسن يكون موجود عندنا، ومعنديش حاجة تانية أقولها في هذا الموضوع وربنا يستر على حسام".