رئيس التحرير
محمود المملوك

خالد الصاوي عن زوجته مى : "علمتني أحب بجد" (فيديو)

الفنان خالد الصاوي
الفنان خالد الصاوي

حل الفنان خالد الصاوي ضيفًا ببرنامج "السيرة"، مع الإعلامية وفاء الكيلاني، الذي يعرض على قناة "dmc "، وتحدث عن حياته الشخصية قبل وبعد الزواج، بجانب كشف الكثير من الجوانب في شخصيته، ومواقفه مع البعض.

وقال الصاوي في الجزء الثاني من لقائه: "أنا خطبت ثلاث مرات قبل الزواج، ومش كل واحدة عارفتها كنت بلعب معاها، في ناس كنت بفكر فيهم بجدية، بس على الأقل كان لابد من وجود واحدة في حياتي، ومكنتش بتحمل الارتباط القريب أوي، وأحيانا كان بيتقال عليا براوي، وعلاقات الخطوبة كانت بتفشل مني أنا، كان يظهر إني شكلي راجل بس أنا عيل صغير".

واستكمل حديثه عن زوجته مى: "إن أساس علاقتنا اتنبى على الاحترام المتبادل من الطرفين، ومى غيرت نظريتي عن التعلق، والضعف، والقوة، وعمرها ماكانت مشروع لعب، لإن أنا في هذه المرحلة تشبعت من موضوع اللعب، وبدأت أوسع الأفق شوية".

 

وتابع الصاوي: " ومى وذكائها وقلبها استوعبني كويس، وقولتلها بحبك بعد سنة، وعرض عليها الزواج بطريقة غريبة بعد الثورة وبداية الحوار قولتلها إننا بقالنا فترة مع بعض وأنا شايف إن في تطورات بتحصل عشان الثورة، فخافت إن أنا أسيبها فتفأجت إن بقولها إن عايز اتقدملها، وبقالنا 9 سنوات متجوزيين، وعلمتني أحب بجد بمعنى أحب الشخص واتمسك بيه، واتغاضى عن أى عيوب، واتمسكت بنجاح العلاقة، واتصدمت فيا بعد الزواج إن أنا أناني شوية".

عاجل