"بتعلم من إرادتك".. أحدث ظهور لشريف دسوقي من المستشفى مع زينب غريب
نشرت زينب غريب، صورة تجمعها بالفنان شريف دسوقي من داخل مستشفى “دار الشفاء”، والتي يتواجد بها حاليا، بعد عملية بتر ساقه الأيسر التي خضع لها في الساعات الأولى من صباح أول أمس الثلاثاء.
وكشفت زينب غريب، كواليس زيارتها لشريف دسوقي، عبر حسابها الشخصي بموقع التواصل الاجتماعي “فيس بوك”، وقالت: “كنت رايحة له وقبل ما أدخل كنت متوترة شوية، ولما شفت الأستاذ شريف، كل توتري راح قصاد روحه المبهرة اللي تشرح القلب ومثابرته وإيمانه”.
وتابعت: "أنا ممتنة ليك يا أستاذ شريف وبتعلم من إرادتك وقوتك وروحك، اشتغلت معاك عمل “بميت وش “ وكل أملي إني اشتغل معاك تاني وتالت وعاش، تقوم لنا بالسلامة بسرعة وترجع تاني تضيف للسينما والدراما بموهبتك اللي متتعوضش”.
اقرأ أيضا: "حالته النفسية في تحسن والزيارة ممنوعة".. مصدر يكشف آخر تطورات الحالة الصحية لشريف دسوقي
الحالة الصحية لشريف دسوقي
وحصل "القاهرة 24" مسبقا على أول رسالة صوتية من شريف دسوقي من داخل المستشفى، وجاءت محتواها كالتالي: “بسم الله الرحمن الرحيم، إن الذين آمنوا وعملوا الصالحات لهم أجر غير ممنون، صدق الله العظيم، بشكر كل واحد قالي كلمة أو بعتلي رسالة فردا فرد، واللي واقفين ورايا”.
ووجه الشكر للرئيس عبد الفتاح السيسي، بعد توجيهاته الأخيرة ومتابعته حالته الصحية بنفسه، وقال: وأنا بشكر أبونا فعلا اللي بنتباهى بيه في الدينا كلها، ولو هتفتكروني بجامل أو بضخم، لما قال إحنا مش بتوع حداد، إحنا بتوع ربنا، وإن شاء الله هنتقابل قريب، ودلوقتي بقيت منكم مليونير".
