الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

خالد الصاوي: «عمري ما عملت مشكلة مع أي حد.. وأنا اللي بأذي نفسي»

خالد الصاوي
فن
خالد الصاوي
الجمعة 10/سبتمبر/2021 - 01:16 ص

تحدث الفنان خالد الصاوي عن المشاكل التي تحدث بين الفنانين، مشيرًا إلى أنه لم يفتعل أي مشكلة طوال مشواره الفني وأنه صديق كل الفنانين، ولكن لديه بعض المشكلات البسيطة مع المنتجين، الذين بالفعل لديهم مشكلات مع فنانين آخرين.

وقال خالد الصاوي خلال لقائه مع الإعلامية سمر يسري، ببرنامج يوم ليك: مخسرتش حد من الفنانين، كل الفنانين صحابي وعمري ما عملت مشكلة مع أي حد من الفنانين، في كام مشكلة مع ثلاثة أو أربعة من المنتجين، من أصل 40 منتج اشتغلت معاهم، ومنتجين كانوا عاملين مشاكل مع ناس ثانية، ولكن أنا مش بسكت.

خالد الصاوي مع سمر يسري

وأضاف خالد الصاوي: أكثر حد ممكن يأذيني هو أنا، أنا مش ممكن حد من المنتجين يأذيني، هذه حاجات تضايقني، ولكن ردود أفعالي ممكن تعمل غلط أكبر أحيانًا بدل ما أعالج الموقف صح بعالجه بالقوة، والأسلحة، والكروت اللي في إيدي أنا أكثر حد أذاني، وأنا أكثر حد وقف معايا.

وتابع خالد الصاوي: ممكن أؤذي نفسي لو اكلت غلط، لو شربت غلط، لو لم التزم، لو غضبت في وقت مش تمام مثلًا، ولو غلطت في ناس، وكان عليا إني اعتذر لهم.

خالد الصاوي

وأكد خالد الصاوي أنه يحب أن يعتذر إذا ارتكب أي خطأ، قائلًا: أنا شيء أساسي ومقدس بالنسبة لي أن اللي يغلط يعتذر لذلك اللي بيغلط فيا ولا يعتذر بعرف أنه قصده يصعدها، وبعتبره بيهيني، أنا بطلع أمام الناس كلها وأقول إني غلطان وعيب اللي أنا عملته، ليه أنت تبقى مش عاوز تعتذر!.

تابع مواقعنا