رئيس التحرير
محمود المملوك

نجلاء بدر عن فستان الجونة: القالب غالب ولو رجع بيا الزمن هلبسه

نجلاء بدر
نجلاء بدر

علقت الفنانة نجلاء بدر من جديد، على أزمة فستانها المثير للجدل الذي ظهرت به في فعاليات مهرجان الجونة السينمائي، وتعرضت لهجوم كبير بسببه.

وأكدت نجلاء بدر خلال لقائها مع إنجي علي، في برنامج أسرار النجوم، المذاع عبر راديو إف إم، أنها لم تكن تتوقع الهجوم الذي تعرضت له، قائلة: ما زالت بقول الفستان عادي والفكر اللي تشاف به غلط، لأن الناس فاكرة إني لازقة المثلث الهرمي في الفستان، لكن من وجهة مصممة الأزياء صمم على شكل عين حورس، هي لها تارجت ودارسة مش هاوية بتعمل أزياء لها فكر.

وواصلت نجلاء بدر: في نوع معين من الماتلير الكاميرا مش بتقرأه، الناس لو فاكرة إن أنا لابساه على اللحم هتروح في حتة تانية، الفكرة إزاي شفت جسد المرأة وبأي فكرة.

واستكملت الفنانة: هل المهرجان بيخاطب فئة أو منطقة معينة، لأ إحنا بنخاطب دول أخرى، لأنه مهرجان عالمي طول عمر الريد كاربت على مستوى العالم شبيه بفاشون شو، بيلسبك بيوت أزياء سواء اللبس أو المجوهرات وغيرها، والناس بتتنافس على ده وفي شركات بتنتافس، والمهرجان حدث على مستوى العالم  وليس عرض الفستان علشان الناس تشتيره.

وأضافت نجلاء بدر: بنقيم نفسنا على مستوى المهرجان ورؤيته، المهرجان عالمي بيعرض أفلام عالمية، المهرجان مش بيخاطب الفئات كلها، مشيرة إلى أن الفستان أصبح منتشر وموجود بمحلات الملابس بوسط البلد، مضيفة: في ناس هتلبسه اهو من الشعب لكن لو تحول لموضة مش هيناسب كل الناس.

وأكدت نجلاء بدر أنها لو عاد بها الزمن سترتدي الفستان مرة أخرى، قائلة: لو رجع بيا الوقت هلبسه لأنه عجبني، فستان حلو وفيه حاجة فنية، لكن الاختلاف يثير الجدل والقالب غالب، أنا مش بالشكل المستفز لكن لو أنا تخينة كلنا كنا هنضايق مفيش حاجة طالعة وبارزة وتستفز غير أن الموديل غريب وأخذ العين.