الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

عمر كمال يرد على انتقادات أدائه العمرة بعد حفل السعودية: لما أزور قبر الرسول هفتح لايف

عمر كمال
فن
عمر كمال
الخميس 18/نوفمبر/2021 - 09:48 م

رد مطرب المهرجانات عمر كمال، على الانتقادات التي تعرض لها مؤخرًا، بسبب ظهوره بملابس الإحرام من مكة المكرمة، أثناء تأديته مناسك العمرة بعد ساعات من إحيائه حفلًا غنائيًا بالسعودية، وبعد طرحه أغنية ضيعنا مع الراقصة روكسانا والمطرب الشعبي عبد الباسط حمودة.

وقال عمر كمال في فيديو نشره الصحفي هاني عزب: الناس بتتريق عليا عشان عملت عمرة، أولًا ربنا يرزق اللي مارحش واه أنا عملت عمرة بعد عشرين ساعة من حفلة في السعودية.. إنت مالك ده شغلي إنت شايف شغلي غلط دي حاجة ترجع لك الفاصل بيني وبينك ربنا ويوم القيامة حتى لو بتجادل واحد جادله بأدب.

وتابع كمال: ربنا لم يعطي أحد توكيل أنه يحاسب عباده، أنا خلصت عمرتي وروحت على جدة على شغلي ولما نقف قدام ربنا هيحاسبني ويحاسبك، كل بني آدم خطاء أنا إنسان طبيعي مش ملاك بغلط وبرجع لربنا.

 

وأكمل مطرب المهرجانات: واحد بيقول لي اتقي ربنا ومديني موشح.. للأسف الشخص اللي كتب لي كده منفصل عن مراته.. وللأسف الشديد بقول كده وعمري ما عملت حاجة واحدة لله وقلتها.. لكن مراته كلمتني عشان أساعدها لأن عياله داخلين المدارس ومش معاها تدفع مصاريف عيالها وأنا اللي قدرني ربنا عليه أنا عملته.

وتابع مستنكرًا: يعني أنا عشان عملت حفلة وروحت عملت عمرة ورجعت لشغلي حرام، وإنت عيالك ومراتك وعيالك اللي مش بتصرف عليهم حلال عندم عند ربنا، أنا لا سرقت حد ولا نهبت حد ولا زعلت حد بكلمة ولا بلفظ ولا بفعل وماروحتش أذيت حد ولا مشيت في أذية حد.. ده مثلا واحد بس من اللي بينصحوني إنت صح وأنا غلط.

وأردف كمال: دي حاجة ترجعلي.. أنا بغني وبعمل عمرة واللي بيني وبين ربنا محدش يعرفه، أنا أعرف أركان ديني أكتر منك عشان بعملها كتير، وبعض الناس فاكرة العمرة بتتعمل في تلات أيام ما هو بيتكلم وخلاص كل واحد ربنا هيحاسبه وكل واحد عارف هو بيعمل إيه، في حياته سب ديانة وزنا محارم وسايبة عياله.. ربنا مش هيتقبل منك ربنا أعلم بكل واحد بيعمل إيه أنا بعامل ربنا ولو أنا وحش عمر ما ربنا هيرزقني ويسهل لي حالي.

ورد عمر كمال ساخرًا على تعليق أحد المتابعين الذي كتب له ادعي لنا: ليرد قائلًا: تمام هفتح لايف قدام قبر الرسول وكل واحد يدعي لنفسه قدام الرسول.

تابع مواقعنا