عمر كمال يرد على منتقدي غنائه لعبد الباسط حمودة: غنيت على استحياء
رد مطرب المهرجانات عمر كمال على الانتقادات التي واجهته بعد غنائه للمطرب الشعبي عبد الباسط حمودة.
وكتب عمر كمال عبر حسابه الشخصي بموقع التواصل الاجتماعي فيسبوك: أنا فاهم وعارف حتتى كويس أوي اللي باغني فيها، ومفيش مطرب خلقه ربنا بيغني كل ألوان الغنا بنفس التمكن والشطارة، هتلاقيه مؤدي في حتة ومطرب شاطر في حتة.
وتابع عمر كمال: وربنا خلق أصواتنا ومساحات صوتنا غير بعض خالص، بس كل واحد ليه بصمة ولون وطعم وإحساس غير التاني، فأنا مش مطلوب مني أغني لحن مش بتاعي ومش شبهي ومش مساحات صوتي، فالطبيعى هغنيه على استحياء، وكمان لما يكون صاحبه موجود وبيغنيه بقاله 20 سنة يوميا، أكيد هيقول له أحسن مني 100 مرة.
عمر كمال يرد على منتقدي غنائه لعبد الباسط حمودة
وأضاف عمر كمال: فكوني قلت حاجة مش بتاعتي وأدائي فيها كان مش كويس، فديه حاجة متقللش مني وأنا قلتها إرضاء لطلب، ولما صاحبها غناها معايا، أكيد غناها أفضل مني لأنها بتاعته ومساحته وشكله فده أمر طبيعي.
