بعد نشر فيديو لجدها أثناء زفافها.. حفيدة عبد الرحمن أبو زهرة تتصدر التريند
تصدر اسم البلوجر سارة صبري، اليوم الاثنين، تريند موقع التدوينات الصغيرة تويتر، وذلك بعد انتشار فيديو لها بصحبة جدها الفنان القدير عبد الرحمن أبو زهرة.
بكاء العروس وجدها
ويظهر في الفيديو الذي لا يتعدى 30 ثانية، مرتديًا بذلة باللون الأبيض، ويستقبله العروسان، لتقول العروس: ايه الشياكة دي يا حبيبي، أنت هتعلي عليّ وعلى العريس، ليرد أبو زهرة: كل ده عشانك، حتى انهمرت العروس في البكاء.
وقال حساب باسم قطناية: بجد فرح سارة صبري مبهج أو ي ما شاء الله بجد، بينما علقت روان: اهو فرح ساره صبري من أرق الأفراح ال شوفتها ف الفتره الأخيره حقيقي.
تعليقات السوشيال ميديا
وكتبت بسمة: مشهد ساره صبري وهي بتقول جدو جه جدو جه، مفشلش إنه يحزنني ويخليني ادمع، الله يرحمك يا جدي، وعلق حساب آخر: سارة صبري عروسة زي القمر.
وقال حساب باسم دينا أحمد: النهارده كان فرح سارة صبري.. هي أصلا جميلة وبسيطة ورقيقة.. اللهم بارك.
وقالت لينا: فرح سارة صبري بجد جميل جدًا وأحلى حاجة بجد لما تعمل فرح شبهك وشبه شخصيتك مش اللي المفروض يتعمل وخلاص، ربنا يسعدهم بجد.
وكتب حساب باسم إيريني: سارة صبرى كانت قمر وفستانها قمر وفرحها قمر وكل تفاصيلها قمر بجد، فيما علقت أخرى: فيديوهات فرح سارة صبري جميلة أوي مرحة ولطيفة ميتشبعش منها، ما شاء الله.
