فريدة سيف النصر: بقى محمد رمضان اللي بوظ الجيل.. ده إحنا شبابنا يبوظوا أجيال بحالها
استنكرت الفنانة فريدة سيف النصر، الهجوم الذي يتعرض له محمد رمضان بسبب أعماله واتهامه بنشر البلطجة والعنف.
وقالت فريدة سيف النصر لـ القاهرة 24: بقى محمد رمضان اللي بوظ الجيل، ده إحنا شبابنا يبوظوا أجيال بحالها، ووقفة النواصي توريكوا، ودماغهم ضاربة من المخدرات وبيقتلوا باسم الحب.
وأضافت: مش محمد رمضان بس اللي بيتحاربوا، حاربوا محمد سعد ومحمد هنيدي وهاني رمزي وقعدوهم في البيت.
كما عبرت فريدة سيف النصر عن استنكارها من تجاهل نجوم كبار وتركهم دون عمل، قائلة: في أسماء كبيرة مش بتشتغل، زي خالد زكي وأحمد عبد العزيز وعبد العزيز مخيون، يعني ايه ما يشتغلوش ويشحتوا مع أن أسمائهم كانت منورة.
كما دافعت فريدة سيف النصر، عن محمد رمضان بعد الهجوم الذي تعرض لها مؤخرًا بسبب طريقة دفاعه عن نفسه بسبب الفيديو المنسوب إليه، وقالت: رد محمد رمضان أقل واجب، لو ما ردش كده مكنش يبقى راجل، ده ابن بلد مش من الزمالك وطلع عين أبوه ده كده مؤدب في رده، هاجمني زي ما أنت عايز لكن تتكلم في عرضي أشعقلك، مضيفة: مستغربة الناس اللي صدقت الفيديو المنتشر مع أن كل أهل أسوان والأفارقة شبهه.. واللي مش عاجبهم رده يولعوا بجاز، هما مستنين منه يقول سوري كده علشان يبان ناعم ومايص لكن رده رجولة.
