كانت مكتئبة جدا.. ماذا قالت صديقة سلمى فتاة الزقازيق أمام النيابة؟ | خاص
كشفت التحقيقات في قضية مقتل الطالبة سلمى بهجت فتاة الزقازيق، على يد الطالب إسلام فتحي، تفاصيل جديدة حول تعرض المجني عليها للتهديد بالقتل على يد المتهم إذا بعدت عنه.
قضية مقتل سلمى فتاة الزقازيق
وأوضح نص تحقيقات قضية مقتل الطالبة سلمى فتاة الزقازيق، الذي نشره القاهرة 24، أن الفتاة خافت من تهديد الجاني بقتلها، وأنها ستلقى مصير نيرة أشرف ورغم خوفها إلا أنها كانت تواصل رفضها لاستمرار العلاقة.
وكانت جهات التحقيق، حددت جلسة 4 سبتمبر المقبل، لنظر أولى جلسات محاكمة المتهم بقتل طالبة الزقازيق في مدخل أحد العقارات بمحافظة الشرقية، بعد إحالة المتهم إلى محكمة الجنايات المختصة؛ لاتهامه بقتل الطالبة سلمى بهجت عمدًا مع سبق الإصرار والترصد.
نص تحقيقات قضية مقتل الطالبة سلمى
وقالت صديقة سلمى بهجت طالبة الزقازيق في التحقيقات بعد سؤالها عن اسمها، فأجابت: اللي حصل قبل ارتكاب الواقعة بيوم أنا كلمت سلمى على الواتس آب عشان أطمن عليها فقالت لى إنها مخنوقة وفي مشاكل في البيت فقولت لها تعالي بكرة نتقابل في الجريدة ونقعد سوا قالت لي هشوف ماما وأعرفك علشان مامتها رافضة إنها تخرج وبعدين قالت لي إن أمها وافقت وإنها هتيجي الجريدة النهاردة.
وأضافت في نص التحقيقات، تواصلنا الصبح على الواتس آب وهى قالتلي في الأول انها تعبانه ومش قادرة تنزل فقولت لها تعالى عشان نقعد سوا ونقضى اليوم فقالتلي خلاص هنزل وأجي وفعلا نزلت وبعتت لى على الواتس آب إنها جاية في الطريق وبعتتلي رسالة انها وصلت وكلمتني وقالتلى قابليني على السلم فأنا لقيتها واقفه في المدخل على السلم ولقيتها بتشاورلى على حد وبتقولي ايه ده فقولت لها في ايه فلقيت حد جه ومعاه سكينة وفضل يطعن فيها فأنا قعدت أصوت وطلعت أجرى على فوق والناس بدأت تنزل على صريخي بس كانوا خايفين يتدخلوا علشان المتهم كان معاه سلاح.
أقوال صديقة طالبة الزقازيق
وتابعت صديقة سلمي بهجت طالبة الزقازيق: أنا اتعرفت على سلمى من خلال التدريب في الجريدة وبيقنا أصحاب من حوالي سنة ونص وفضلت تتدرب معايا لكن من حوالي سنة أو أقل شوية انقطعت ومبقتش بتيجي علشان تنتبه لدراستها عشان هي كانت متفوقة، وكنا بنتواصل مع بعض عن طريق الواتس آب على فترات تقريبًا كل أسبوع وفجاءة تليفونها اتقفل من فترة ولقيت المتهم اللي اسمه اسلام بعتلى على الواتس آب وقالي انه مش عارف يوصل لها، وأنا كنت ببعت لها رسايل على تليفونها القديم ومكنتش بتوصل ولما حاولت اتصل عليها بعد لما اسلام قالي انه مش عارف يوصل لها لقيت فعلا ان تليفونها غير متاح، ومكنتش عارفه أوصل لها وبعدها بشويه لقيتها كلمتني من رقم واتس آب أخوها.
قضية مقتل طالبة الشرقية
وأكملت صديقة سلمى بهجت فتاة الزقازيق قائلة: قبل الجريمة سلمي قالتلي إنها مخنوقة وعايزة تقابلني الأسبوع اللي قبل ارتكاب الجريمة وكنا اتفقنا إننا نتقابل التلات اللى فات في الجريدة لكن هي مجتش فسألتها وعرفت إن عندها مشاكل في البيت وقالتلي إنها مخنوقة جدا ونفسها تشوفني وقولتلها لو عايزاني أكلم والدتك تخليكي تنزلى فهي قالتلي إن هي هتحاول مع مامتها وبعتتلى بعدها إن مامتها وافقت واتفقنا هنقضي اليوم سوا وهي كانت عايزة تتكلم معايا وكانت عايزة تعرض مشروع التخرج على صحابنا في الجريدة.
قتل الطالبة سلمى بالشرقية
وأردفت صديقة سلمى بهجت بالتحقيقات: يوم الواقعة حصل إني تواصت مع سلمى عن طريق الواتس آب وسألتها إن كانت اتحركت ولا لا.. فهي قالتلي إنها مش هتيجي علشان هي تعبانة ومكتئبة جدا ودي كانت مكالمة واتس آب فأنا بعتلها تاني وقولتلها عشان خاطري تعالي وإن أنا هستناها وبعدين بعتتلي إنها خلاص اتحركت وجاية في الطريق لحد ما بعتتلى رسالة إنها وصلت.
