مراد مكرم عن شريف مدكور بعد تبرعه بـ 120 ألف جنيه لمستشفى أهل مصر: مستور وعينه مليانة
أعرب الفنان مراد مكرم، عن سعادته الكبيرة بعد حضوره حفل عيد ميلاد صديقه الإعلامي شريف مدكور، أمس، مشيدًا بما فعله مدكور في الحفل، حيث نجح في جمع تبرعات لـ مستشفى أهل مصر للحروق.
ونشر مراد مكرم، مجموعة من الصور من حفل ميلاد شريف مدكور، وذلك عبر حسابه الشخصي بموقع فيس بوك، وعلق قائلًا: يعني إيه حد محبوب، يعني يعزم 100 فرد يجيله أكتر، يعني اللي ربنا بيحبه يحبب فيه خلقه، يعني ناس تسوق بالساعات علشان تروحله عيد ميلاده، وناس تأجل سفر وناس تيجي من سفر علشانه.
وتابع: طيب يعني إيه واحد ابن ناس وعينه مليانة؟ يعني بدل ما يستني 100هدية في عيد ميلاده أو أكثر، يجيب مستشفى أهل مصر لمعالجة الحروق، ويطلب من كل أصحابه ما يجيبوش هدايا وتمن الهدايا دي يتبرعوا بيه للمستشفى، فلم للمستشفى فوق الـ 120 ألف جنيه.. كل ده وهو لا ذو سلطة مثلًا أو مال وفير، حد مستور وعينه مليانة.
وأضاف: أنا بشكره علشان حاجة تانية خالص، أنا لحد ما رحتله إمبارح وشُفت ناس ما شفتهاش من سنين أو شهور وقعدت مع ناس عشرة عمري، ماكنتش عارف أفرح.. حاولت بس ما عرفتش.. لحد إمبارح، فرحت من قلبي.. ربنا يباركلك في حياتك كلها يا شريف يابن الأصول وكل سنة وأنت في ستر وصحة وراحة بال يا صديقي.
