هنا شيحة: كان لازم يكون موجود مهرجان رسمي للدراما في مصر زي الإيميز
تحدثت الفنانة هنا شيحة، عن الدورة الأولى لـ مهرجان القاهرة للدراما، المقام حاليًا في مركز المنارة، بمنطقة التجمع الخامس.
وقالت هنا شيحة، في تصريحات صحفية على هامش فعاليات المهرجان: هو خطوة مهمة جدًا وكان لازم يكون فيه مهرجان للدراما، وده المهرجان الأول الرسمي للدراما، وده يهمنا جدًا لأن الدراما من أكتر الحاجات اللي الناس بتابعها، طبعًا السينما مهمة جدًا، بس الدراما بقى ليها واقع تاني وبتدخل بيوت الناس كلها.
وأضافت: الدراما غير السينما لأن اللي بتناقشيه في ساعة ونص في السينما، غير اللي بتناقشيه في مسلسل مدته 15 أو 30 حلقة، مع كم المنصات الإلكترونية والقنوات اللي موجودة بقى أساسي جدًا الدراما، لازم يكون موجود مهرجان رسمي للدراما في مصر زي الإيميز.
كما تحدثت الفنانة هنا شيحة، عن مشاركتها في مسلسل راجعين يا هوى، قائلة: أنا كنت مبسوطة جدًا، والسيناريو كان حلو جدًا وتفاصيله كانت حلوة أوي، والمخرج محمد سلامة كان عامل شغل هايل، وأنا مبسوطة إني اشتغلت مع خالد النبوي لإن كان بقالنا كتير جدًا عايزين نشتغل مع بعض وجت الفرصة في راجعين يا هوى، أنا مبسوطة برد فعل الناس والمسلسل عمل صدى حلو أوي.
مسلسل راجعين يا هوى
مسلسل راجعين يا هوى، عُرض في موسم رمضان 2022، وحقق نجاح كبير، وشارك في العمل مجموعة كبيرة من النجوم أبرزهم نور اللبنانية، هنا شيحة، إسلام إبراهيم، إسلام جمال، أنوشكا، وفاء عامر، تميم عبده، صفاء الطوخي، أحمد بدير، سلمى أبو ضيف، هدى المفتي، وطه دسوقي، إضافة إلى العديد من الفنانين الشباب الموهوبين، من بينهم جلا هشام، سالي حماد، ريهام الشنواني، ونانسي هلال، ومن إنتاج أروما ستوديوز.
