رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

مصطفى كامل عن اقتباس لحن تسلم الأيادي: ماقصدتش والمزيكا فيها توارد أفكار.. أنا مش محتاج سرقة ألحان

مصطفى كامل
فن
مصطفى كامل
الجمعة 23/سبتمبر/2022 - 01:06 ص

رد الفنان مصطفى كامل، على شائعات اقتباسه ألحان أغنية تسلم الأيادي، من ألحان أغنية هلّ البدر بدري، للفنانة شريفة فاضل، مشيرًا إلى أن توارد الأفكار أمر طبيعي في المجال الفني.

مطفى كامل يرد على اقتباس لحن تسلم الأيادي

وقال مصطفى كامل، في حوراه مع الإعلامية أسما إبراهيم، في برنامجها حبر سري، المذاع عبر شاشة قناة القاهرة والناس، عن اقتباس لحن أغنية تسلم الأيادي: والله العظيم ما قاصد، وفي المزيكا فيها حاجة اسمها توارد الأفكار، والله العظيم ورحمة أبويا أنا مش عارف الغنوة دي عملتها إزاي وجمعت الفنانين في 3 أيام، كنا في رمضان وكنت رايح أعمل عمرة، وكنت راجع البيت ولقيت نفسي بدندن باللحن من غير تخطيط ولا أي حاجة، وكلمت أحمد عادي الموزع قولت له خد مني البراجراف ده بسرعة، وأنا ولا فكرت ولا عندي جملة ولا فيه وقت أفكر.

وتابع: أول مرة في حياتي ألاقي الورق جمبي وبركب جمل على اللحن، وقعدت أقول خليها 3 أو 4 مطربين، والغنوة نزلت وأنا في السعودية وشُفت فيها اللي عمري ما شُفته، والله العظيم أنا ما قصدت السرقة، ولا محتاج السرقة، وحسنة الأغنية دي الوحيدة أيمن بهجت قمر وحسين الجسمي.

كما تحدث مصطفى كامل، عن المهرجانات الشعبية قائلًا: المهرجانات ظهرت في زمني أنا عن طريق أوكا وأورتيجا، واسألي من ورايا من بعد مصطفى كامل إيه اللي حصل، جمعت مغنين المهرجانات وقلت لهم أنا مبقطعش عيش حد، ولكن لن أسمحلك تبوظ الذوق العام، لإن فيه ابني وابنك، وفيه حاجات أقدر أعملها بشخصيتي.

تابع مواقعنا