الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أنا صانع نجوم قبل ما أغني ولو بأيدي أعطي حلمي بكر منصب نقيب شرفي للموسيقيين.. أبرز تصريحات مصطفى كامل في حبر سري

مصطفى كامل
فن
مصطفى كامل
الجمعة 23/سبتمبر/2022 - 03:29 ص

تحدث الفنان مصطفى كامل، عن الكثير من الملفات الذي تخص نقابة المهن الموسيقية وحياته الفنية، خلال برنامج حبر سري، المذاع عبر شاشة قناة القاهرة والناس.

أبرز تصريحات مصطفى كامل 

ونستعرض لكم أبرز تصريحات مصطفى كامل في برنامج حبر سري:

-عمري ما زعلت من أي حاجة بتتقال عليا، وطول عمري بتحارب.

- اللي كنت بقطعه ومرضاش عنه إنه يطلع للناس وأرميه في الزبالة كان يعمل 100 شعر.

- عمري ما دخل في حياتي شعراء، وفضل مكتوب على مكتبي يافطة ممنوع دخول الشعراء.

- أتشرف أن أكون مغني بوابين مصر، ويزيدني شرف أني أمثل فئة من بلدي.

-حلمي بكر مش بيهاجم، والناس فاهمة غلط هو غيور على المهنة وعلى العمالقة.

- شقيقي صوته أحسن مني شخصيًا وبيقولي أنا مبقتش حابب أرجع.

-أنا راجل صانع نجوم من قبل ما أكون مغني والمناخ حاليًا غير مبشر.

-المهرجانات ظهرت في زمني عن طريق أوكا وأورتيجا، وأنا ضدها ولن أسمح بضياع الذوق العام.

-سعيد الأرتيست مهاجمش هاني شاكر وهاك شبهة ومعروفة في أزمته.

-بهاء  سلطان طلع على إيدي وكنت بقول أنا طلعت جورج وسوف مصر.

-قُلت لـ نصر محروس وبهاء سلطان. خلوني أحل المشاكل بشكل ودي، لأن لو جيتوا النقابة هتدخلوا محكمة أمن الدولة.

-لو هاني شاكر قرّر يتراجع عن قراره ويرشح نفسه للموسيقيين يبقى هو أولى بالتركة.

-لو منجحتش في الانتخابات أتمنى حلمي بكر  نقيبًا.. ولو بأيدي أعطيه منصب نقيب شرفي.

-عمر كمال لو سلمني دماغه أعدي بيه بر الأمان وحمو بيكا مش هينفع يتغير.


- لم أقصد سرقة لحن أغنية تسلم الأيادي وفيها حاجة اسمها توارد الأفكار.

-الموسيقيين كانت بتوقف مغنين المهرجانات علشان هما الأسياد، ومش حمو بيكا فقط اللي كان بيدفع الضعف علشان ياخد التصاريح.

تابع مواقعنا