مصطفى كامل ردًا على تصريحات عمرو مصطفى بشأن الهضبة: أوعى تنسى نفسك
علق الفنان مصطفى كامل، على تصريحات الفنان عمرو مصطفى، بشأن الفنان عمرو دياب، والذي آثار جدلا واسعا بعد حديثه عن الهضبة خلال الفترة الماضية، بأن الهضبة ليس له فضل عليه.
وقال مصطفى كامل، في تصريحات تلفزيونية: مش عايز أقول لفظ وحش، نُكران الجميل وحش وده نُكران جميل، وعمرو مصطفى ناكر جميل عمرو دياب، هو هيهزر؟
يعني عمرو مصطفى أفاد عمرو دياب في حياته؟ ده كلام؟ ده كلام ميصحش يقوله.
وتابع: كنت واخد عهد على نفسي ألا اتطرق لـ عمرو مصطفى، ورغم زعلي منه إلا أنه مُلحن كويس، بس أوعى تنسى إنك كنت بتيجي الاستوديو وأنا موجود علشان تبقى موجود في قاعدة فيها عمرو دياب، أنا شُفتك وماليش دعوة جيلك شافك ولا لأ، ولكني شُفتك وأنت بتيجي علشان بس تكون مجرد واحد قاعد في قاعدة فيها عمرو دياب، وبتتكلم على مين؟
وأضاف: فيه فرق كبير لما تتكلم على حد واقع، ولكن عمرو دياب في حتة تانية يا جماعة خالص، فيه أسامي مينفعش ولا يليق مع أي حد فينا لما يختلف معاها يطلع يتكلم عليها كده، مينفعش وعيب كده، وبعد 10 سنين عمرو دياب هيفضل عمرو دياب.
أزمة عمرو مصطفى وعمرو دياب
سبق وهاجم الفنان عمرو مصطفى، الفنان عمرو دياب، في تصريحات تلفزيونية، قائلًا: أنا بالنسبة لي المطربين زي بعض، مفيش حد مهم شغلي هو اللي مهم، وأغنية حبيبي يا نور العين اتشهرت بسبب لحنها، وأنا لم أبيع العشرة بيني وبين عمرو دياب، لو تكلم على العشرة بينا، هو لم يعزيني في وفاة أمي.. وعمرو دياب ليس له فضل عليّا.
