حمزة نمرة: كنت أهلاوي ودلوقتي بشجع الجميع
كشف الفنان حمزة نمرة النادي الذي يشجعه، وحبه لكرة القدم واهتمامه بها، ومدى اهتمام أولاده بنفس الرياضة.
الفريق الذي يشجعه حمزة نمرة
وقال الفنان حمزة نمرة خلال لقائه في برنامج أجمد 7 عن النادي الذي يشجعه: أنا كنت أهلاوي ودلوقتي بشجع الجميع وبلعب كورة مع صحابي، ولكن لازم مع تقدم السن أخلي بالي من نفسي وأنا بلعب طبعا وولادي بيكملوا المسيرة وبيشجعوا ليفربول.
علاقة حمزة نمرة بمحمد صلاح
وأضاف الفنان حمزة نمرة متحدثا عن علاقته بمحمد صلاح: ما أخدتش ولادي في بريطانيا لمقابلة محمد صلاح قبل كده رغم أنهم بيشجعوه وبيحبوه جدا، وهحاول أقابله الفترة الجاية إن شاء الله لكن أنا اتكلمت معاه قبل كده على تويتر واتواصلنا مع بعض من خلال مواقع السوشيال ميديا.
آخر أعمال حمزة نمرة
يذكر أن من آخر أعمال الفنان حمزة نمرة أغنية فاضي شوية والتي طرحها ضمن أغاني ألبومه الأخير الذي يحمل عنوان مولود سنة 80 والتي طرحها على موقع يويتيوب منذ نحو عام وحققت الأغنية نجاحا كبيرا حيث حققت محو 250 مليون مشاهدة على الموقع منذ طرحها والأغنية كلمات خليل عز الدين وألحان حمزة نمرة، وتوزيع كريم عبد الوهاب.
وتقول كلماتها:
آه يا سلام
سيبنا الوقت يعدي أوام
ما حسبناش اللحظة الجاية
دا اسمه كلام
عيشنا العمر نربّي حمام
بس نسينا نقوم غيّة
ومايهمكش عادي
اسمع مني الساعة دي
مش وقت عتاب أو لوم
فيها ايه لو نرجع تاني
وبدل ما تكون وحداني
تسندني معاك ونقوم.
