سماح أنور توجه رسالة دعم لـ شيرين عبد الوهاب: عايزة أعرفك على إنسانة بتعشق إنك اتولدتي
حرصت الفنانة سماح أنور على دعم الفنانة شيرين عبد الوهاب بعد أزمتها الآخيرة، ووجهت لها رسالة تعبر فيها عن حبها الكبير لشيرين.
ونشرت الفنانة سماح أنور رسالة دعم لـ الفنانة شيرين عبد الوهاب، وذلك من خلال حسابها بموقع التواصل الاجتماعي فيس بوك، حيث قالت: عايزة أعرفك على إنسانة بتعشق إنك اتولدتي، أكتر واحدة فرحت بيكي وعندها كمية كلام وأحلام وإلهام مش هتصدقيها، وهتعوزي مليون عمر على عمرك علشان تكفيها، عايزاكي مش بس تقابليها، لا نفسي كمان إنك تعينيها الإنسانة الوحيدة اللي طول عمرها في ضهرك، هي اللي بتسندك في البكا وفي الفرح، في النصرة وفي الانكسار، في الصحة وفي المرض، في النجاح وحتى الفشل.
سماح أنور توجه رسالة دعم لـ شيرين عبد الوهاب بعد أزمتها الأخيرة
وتابعت سماح أنور: ماتنسيهاش وما تهينيهاش ثقي فيها حني عليها، اسمعي بكاها وخديها في حضنك وحافظي أوي، دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا، دي الوحيدة اللي عمرها ماسابتك ولا خذلتك، اسمها شيرين عبد الوهاب برضه، خللي بالك عليها، واسمعي كده في وسط كل الألم والزعيق والدوشة؛ صوتها الهادي الواطي البسيط بيقولك كلمة واحدة صداها في قلوبنا، اسمعي كده.. قالت إيه؟.. هتقومي.
