رئيس التحرير
محمود المملوك
أخبار
حوادث
رياضة
فن
سياسة
اقتصاد
دين وفتوي

نجل ضحية التعذيب بالحوامدية: كان بيضربنا ودخل الحمام على أختي وهي بتستحمى

تعذيب- ارشيفية
حوادث
تعذيب- ارشيفية
السبت 07/يناير/2023 - 04:57 م

واقعة مأساوية دارت أحداثها في محافظة المنيا والحوامدية، حيث تعرضت سيدة تدعى أميمة وأبناؤها للتعذيب والضرب 4 سنوات من قِبل زوجها، بعد أن طمع في الميراث ودفنها داخل المقابر لمدة 3 أيام، ثم استخرج لها شهادة وفاة بالاشتراك مع شقيقه ظنًا منهما أنها توفيت، وقد تعرضت لجحيم طيلة سنوات احتجازها.

تعرضت سيدة وأبناؤها للتعذيب والضرب 4 سنوات

حصل القاهرة 24، على أقوال أحد أبناء المتهم بالتعدي على والدتهم أميمة ضحية التعذيب، في الواقعة التي حملت رقم 1149 لسنة 2022 جنح الحوامدية.

وأمام جهات التحقيق، وقف الطفل يروي معاناته مع والده وأيام الرعب مع والده الذي استبدل الحنان إلى قسوة وانتزع من قلبه الرحمة قائلًا: كان بيهددنا دايما، وهو كان بيضربنا بماسورة ستارة ذهبي مكسورة وبالحزام بتاعه وبإيده وساعات بعصاية خشب بتاعته.


يكمل الطفل أمام جهات التحقيق وشريط الذكريات القاسية يمر أمام عينيه: كان بيقولنا محدش يعمل حاجة من غير إذن عشان أنا مراقب الشقة والعمارة بالكاميرات، واللي هيطلع من غير إذن هموته، وكان بيقولنا إن معاه مسدس ومطواة واللي هحيكي حاجة لحد برا البيت هموته.
وتابع الطفل أمام جهات التحقيق: أيوة أنا شفت الطبنجة دي معاه في المنيا بس من زمان كنت صغير وقتها بس فاهم ومشوفتهاش من ساعة ما جينا الحوامدية وشفت المطواة اللي كانت معاه دي طول عمري وهي مطواة سوداء بتدوس على زرار في الجنب وأنت بتطلعها بإيدك.

 


وأوضح الصبي أمام جهات التحقيق:  كان بيضربنا ضرب بافتراء مش ضرب بسيط وكان معاه المطواة اللي قلت عليها، وكان مرة قبل كدا دخل على أختي  الحمام وهي بتستحمى وحبسنا في الأوضة عشان منشوفش هو كان بيعمل إيه معاها، وسمعناها بتصوت جامد وبقاله حوالي 4 سنين حابس ماما في الشقة اللي بنعيش فيها في الحوامدية وكان بيعمل إصابات جامدة في ماما ورحمة أختي وبيبهدلهم وماما كان بينزل دم من وشها.

تابع مواقعنا