مرتضى منصور يكشف مفاجأة في ضم إيبوكا.. ويوجه المساعدة للإسماعيلي
علق مرتضى منصور رئيس نادي الزمالك على حقيقة اقتراب النيجيري جوني إيبوكا لاعب فريق سيراميكا كليوباترا من الانضمام للفريق الأبيض، خلال فترة الانتقالات الشتوية الحالية.
قال مرتضى منصور خلال تصريحات تلفزيونية عبر قناة الزمالك:” جمهور الزمالك العظيم بقرأ ايبوكا تعاقدنا معه، هو لاعب كبير وأي نادي يتمنى يكون عنده، هو لاعب كويس، وكل حاجه.
أضاف رئيس الزمالك: اللي بسمعه بيقول إننا تعاقدنا مع إيبوكا إمّا العيال اللي بتروج علشان لومفيش حاجه تقولوا إننا فاشلين، وإمّا ايبوكا معروض للبيع، بلاش الحركات دي والنبي، لما بنتعاقد بنعلن على طول”.
أوضح منصور: بقول لجمهور الزمالك من أجل دعم الفريق وفيريرا أوعى تيأسوا، أنا أكتر واحد مش مبسوط، وتوالي المباريات مأثر على كل الفرق، واحنا من ضمنهم.
أكمل: بقول أي لاعب ميدو هيحتاجه الإسماعيلي أولى به مجانا، لازم الإسماعيلي يقف، ولو وقع عين الرياضة المصرية هتكون اتفقعت، والسؤال: مين فرّغ الدراويش من نجومه؟
مش هو برده، وبيزن على عبدالرحمن مجدي وباهر المحمدي؟
وأوضح منصور: بقوله اختار يا ميدو اللي انت عاوزه من لعيبة، عندنا ذخيرة من اللاعبين مجانا، ماحنا أعارنا محمود علاء للرجل الأصيل محمد مصيلحي اللي بيحترم كلمته مجانا وهو التزم بكلمته، جمهور اسكندرية هو الي هيشوفك، نادي أعطاك ودعمك بلعيبة كتير وواحد استخسر لاعب، وكنا هندفع فيه ومش هناخده ببلاش”.
وشدد مرتضى في نهاية حديثه: احنا بنعمل إحلال وتجديد لفريق السلة، وبقول لجمهور الزمالك استحمل، وبرده محمد مصيلحي أخد منك أحرف لاعب، بس عزائي إنه أخده من حسين لبيب مش مني.
