هاني رمزي: أرفض منع المهرجانات أو أي فن وإبداع.. وبحب عمر كمال
كشف الفنان هاني رمزي عن رأيه في أغاني المهرجانات، مؤكدًا أنه يرفض منع أي فن أو أي إبداع، مؤكدا حبه للمطرب عمر كمال.
هاني رمزي يرفض منع المهرجانات
وتحدث الفنان هاني رمزي في تصريحات تلفزيونية عن رأيه في أغاني المهرجانات، قائلا: أنا مع عدم منع المهرجانات واللي مش عجبه ميتفرجش إنما حد يمنع فن وإبداع أنا ضده، وخلي الكل يعمل اللي عايزه وأنت كجمهور نقي والمواطن هو اللي يختار وبسمع المهرجانات وأكتر مطرب بحبه عمر كمال.
وفي سياق متصل، أكد الفنان هاني رمزي أنه لديه أفكار أفلام كثيرة لا يجوز تقديمها في مصر سواء دينيًا أو سياسيًا، موضحًا: هتلاقي محاذير كتير جدا وعشان تطلع بحاجة تمس الناس هتلاقي كل فين وفين، وأنا مش بحب أطلع أقول مواعظ وأنا بعيش مع الناس لحظة.
وأشار هاني رمزي إلى تحجيم الفنانين بسبب أنهم موضوعين تحت ضغط كبير بسبب كثرة الممنوعات في العالم العربي مما يؤدي إلى تحجيم الفنان، قائلا: عندنا ممنوعات كتير، والفنان بيبقى دايما عنده طاقة وخيال وإبداع أنه يحلق من غير ما حد يؤيده.
وعلى جانب آخر، قال الفنان هاني رمزي في تصريح تلفزيوني سابق، إن الفنانة نيللي كريم كثيرة الإلحاح عليه لعمل جزء ثاني من فيلم غبي منه فيه، قائلًا: نيللي كريم قاعدة تزن عليا نعمل غبي منه فيه جزء ثاني، ولما عملت الفيلم معايا كانت نجمة، ومفيش جيل في السينما المصرية يعوض الجيل بتاعنا.
