إيمان العاصي: كشف الأسرار على السوشيال ميديا كارثة.. فين حُرمة البيوت؟
علقت الفنانة إيمان العاصي على عرض بعض المشاهير أسرارهم على مواقع التواصل الاجتماعي، بجانب الحديث عن إمكانية زواجها مرة أخرى.
وقالت إيمان العاصي في تصريحات تلفزيونية: كشف أسرار البيوت على السوشيال ميديا كارثة وده ميخصش سواء مشكلة مع زميل أو في البيت، ويقول ربنا ما يحطني في موقف زي ده.
وواصلت إيمان العاصي: اتربينا أن فيه حرمة بيت إزاي بتقدروا تقولوا كده للجمهور؟ دي ثقافة عجيبة وفيه ناس بتاكل عيش من ده، وده أرخص أكل عيش ومش بحترم الطريقة دي، ونفسي الناس يكون عندهم رحمة وأصول لأن ده لو موجود في الإنسان هيتجنب حاجات كتير وحشة.
وتطرقت إيمان العاصي للحديث عن إمكانية زواجها مرة أخرى، قائلة: لحد قريب مكنتش مفتقدة فكرة أني متزوجة لأني اتجوزت شهرين بس ولكن دلوقتي نفسي يكون معايا حد، ومع ذلك بتجنب الارتباط لأنه مش سهل يحصل في حياتي ولكن أدركت أن شريك الحياة مهم جدًا خصوصا لو فيه أشياء مشتركة وحب.
وأضافت إيمان العاصي: أنا بخاف اتعلق بشخص لأن قلبي بيتكسر بسهولة ويقول الحمد لله أني مش مرتبطة، ولكن ده مش سبب ابتعادي عن الارتباط، لكن مفيش شخص مناسب وأنا كل طلباتي شخص مخلص فقط ومش كداب.
آخر أعمال إيمان العاصي
وعلى جانب آخر، شاركت إيمان العاصي في مسلسل جعفر العمدة والذي حقق نجاحا هائلا في الموسم الرمضاني 2023 بالتعاون مع عدد كبير من الفنانين، أبرزهم هالة صدقي ومحمد رمضان ومي كساب.
