هشام عاشور مازحًا عن انتقادات تمثيله مع زوجته نيللي كريم: الجوازة ضرتني
رد لاعب الإسكواش والفنان هشام عاشور على انتقادات الجمهور له بعد ظهوره مع زوجته الفنانة نيللي كريم في رمضان الماضي 2023 بمسلسل عملة نادرة، بجانب ظهوره معها في مسلسلها روز وليلى.
وقال هشام عاشور مازحًا خلال تصريحات إذاعية: الجوازة دي ضرتني.. أنا راجل بطل يعني فضلت 27 سنة بتمرن 8 ساعات في اليوم ومبفكرش في حاجة تانية، علشان كدة بقت طريقة تفكيري دلوقتي بركز على التدريب في الحاجة اللي عاوزها، ومش برد ولا بسمع لأي كلام لحد ما أحقق طموحي.
هشام عاشور: قبل ما أتجوز نيللي كريم قالتلي أنت ممثل تقيل والناس هتقارنك بيا
وسبق وأعلق هشام عاشور على الانتقادات التي يواجهها، بسبب زعم عدد من مستخدمي مواقع التواصل الاجتماعي دخوله مجال التمثيل بمساعدة زوجته الفنانة نيللي كريم، وقال خلال لقائه مع برنامج et بالعربي: قبل ما أتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير، لأن الناس هتقارنك بيا وإحنا عارفين القصة دي من الأول، ولكن لما الناس تشوف فيا ممثل بجد وبأثر بطريقة معينة هيبتدوا يفصلوني عن نيللي ويبصولي بطريقة تانية.
أبطال مسلسل عملة نادرة
مسلسل عملة نادرة من تأليف مدحت العدل وإخراج ماندو العدل، وبطولة: نيللى كريم، جمال سليمان، جومانا مراد، أحمد عيد، كمال أبو رية، فريدة سيف النصر، ندا موسى، محمد لطفى، على الطيب، مريم الخشت، هشام عاشور، نهى صالح، ومحمد فهيم، رمزي العدل، وئام مجدى، بالإضافة إلى عدد كبير من الفنانين الشباب.
